زاری كرمانجی-سۆران:
بەپێی پێشبینییەکانی کەشناسی، شەپۆلەکانی گەرمای ئەمساڵ کۆتایی هات و ئەمڕۆ پلەی گەرما لە هەرێمی کوردستان بە نزیکەی شەش پلە دادەبەزێت.
بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی بۆ 48 کاتژمێری داهاتوو بڵاوکردەوە و رایگەیاند، ئەمڕۆ شەممە ئاسمان ساماڵ دەبێت لەگەڵ دروستبونی هەندێک پەڵە هەور، پلەی گەرما نزم دەبێتەوە بە (4 تا 6) لە تۆمارکراوی دوێنێ .
سەبارەت بە کەشوهەوای سبەی کەشناسی پێشبینی کردووە، سبەی یەکشەممە 1/10/2023 ئاسمانی هەرێمی کوردستان ساماڵ دەبێت پاشان دەگۆڕێت بۆ نیمچە هەور، پلەی گەرما نزیک دەبێتەوە لە تۆمارکراوی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 32
سلێمانی : 32
دهۆک : 30
کەرکوک : 34
هەڵەبجە : 33
زاخۆ : 32
سۆران : 31
حاجی ئۆمەران : 25
گەرمیان : 36
