زاری كرمانجی – رواندز :
ئەمڕۆ چوارشەممە 27ـی ئەیلوولی 2023، فرۆكە جەنگییەكانی توركیا، گوندی بۆكریسكانی سەر بە ناحیەی وەرتێ ى قەزای رواندز يان بۆردوومان كرد و دوو هاووڵاتی گوندەكە بریندار بوون .
موسلیح زرار، بەڕێوەبەری ناحیەی وەرتێ بە زاری كرمانجی رایگەیاند “تا ئێستا ئەو زانیاریانەی بە دەست ئێمە گەیشتوون، فڕۆكە جەنگییەكانی توركیا گوندی بۆكریسكان یان بۆردوومان كردووە و دوو گوندنشین بریندار بوون و كە برینیی یەكێكیان سەختە و گواستراونەتەوە بۆ نەخۆشخانەكانی رانییە،”
بەپێی ئەو زانیاریانەی دەست زاری كرمانجی كەوتووە، یەكێك لە بریندارەكان بەر لە گەیشتن بۆ نەخۆشخانەی رانییە، گیانی لە دەستداوە .
فرۆكە جەنگییەكانی توركیا، بە بیانووی بوونی بارەگا و هێزەكانی پەكەكە چەندین جار بۆردوومانی سنووری قەزای رواندزیان كردووە.
