ئامادەكردنی قوتابیان:
(فاتیمە شكر ئیبڕاهیم) و (كەڤین مامند محەمەد)
قوتابی قۆناغی سێیەمی بەشی بیركاری فاكەلتی پەروەردەی زانكۆی سۆران
لەسەدەكانی رابردوو خوێندن و پەروەردە كۆڵەكەی كۆمەلگە بوون تەواوی بنەماكانی كۆمەڵگە لەسەر شانی مامۆستایان بوو٬ خێزانەكان تەنها چاودێر بوون بەسەر مندالەكانیان ڕەوشت و پاكو خاوێنی لە لوتكە دابوون رێزگرتن لەو پەری بەرزیدا بوو گەورەكان لای بچوكەكان بەچاوێكی تر سەیر دەكران، زانست خاڵێكی ئەرێنی و گرینگ بوو ٬ بەڵام دوای پەروەردە هەموو هەولێك بۆ چارەسەركردنی ئەو گرفتانە بوون كە كۆمەڵگا بەدەستیەوە دەیناڵاند٬ مامۆستاكان دەستەڵاتی یەكەمیان هەبوو كە چۆن بەكارەكانی خۆی هەڵدەستێت و پێگەیەكی تایبەتیان هەبوو لەلایەن كەسوكاری قوتابیان.
دوای تێپەڕبونی كات و سەرهەڵدانی تەكنەلۆجیا و پێشكەوتنی كۆمەڵگە جیهانیەكان پەروەردە تەواو پەكی كەوتوو گۆڕانكاریێكی گەورە و خێرای بەسەردا هات٬ خێزانەكان بەجۆرێكی تر هەڵسوكەوتیان كرد ڵەگەڵ ئەو بارودۆخەی كە ئێستا لە ئارادایە، حەزوو ئارەزووی منداڵان بوون بەدیاردەیێكی زەق و ناشاراوە، سەرهەڵدانی ئەم دۆخە مەترسیدارە ئۆباڵەكەی لەئەستۆی كۆمەڵگادا نەبوو بەڵكو تەكنەلۆجیاو جیهانی پێشكەوتوو لێی بەرپرسیابوون، ئەوەی لەسەرشانی ئێمەدابوو تەنها پێویست بوو سەرەتا ڕێگەچارەیەك بدۆزینەوە و بۆئەوەی نەهێڵین پەروەردە ڕێڕەوی ڕاستی خۆی لەدەست بدات و بكەوێتە ژێر پرسیارگەلێكی زۆر، ساڵ دوای ساڵ دۆخەكە وێنەو ڤیدیۆی تراژیدیا و ترسێنەری بەدوادا دەهات و دەسهەڵاتە خێزانیەكان بەرەو لاوازبوون و لەناوچوون دەچوون، لەلایەكی تر ئەوەی لە جیهانی تەكنەلۆجیا پڕكارەساتر بوو ئەوەبوو زیاتر گرنگیماندا بەلایەنی زانست و زانیاری پەروەردەمان پشگوێ خست، هەرچەندە بڕوانامە و زیادكردنی زانیاری شتێكی خراپ نیە بەڵام ناشبێتە هۆكارێك كەكۆمەڵگا لەكێشە سەرەكیەكان دووربكەوێتەوە.
زانست و پەروەردە دوو چەمكن لەیەك بازنەدان هەردووكیان بەهاوبەشی لەگەڵ یەكتریدا پێكەوە لكاوو كارلێك كراون، هیچیان بەبێ ئەویتر ناتوانن پێگەیەكی زانستی و پەروەردەیی دروست بكەن، ئەوەی ئیستا بەبەردەوامی لەپەرەسەندندایە تێكچونی پەیوەندیەكانی مامۆستاو خێزانە كەبەشی زۆری تێكچونی ئەو پەیوەندیانە دەخرێنە ئەستۆی كۆمەڵگاو خێزان و ئەو بڕیارانەی كەلەسەرووی ناوەندەكانی خوێندن دەدرێن، هندێ جاریش ئۆباڵەكەی لەئەستۆی مامۆستایانە ناكرێت تەڕەفێك بەتەنیا تاوانبار بكرێت بەڕوودانی ئەو هەڵانەی كە لەئارادان، ئەوەی لەسەر منداڵ دەمێنێتەوە بۆ هەمیشەیی پەروەردەیە نەك زانست، چونكە زانست خواستێكە خۆی دەتوانێت برەوی پێبدات و قۆناغ دوای قۆناغ تێبپەڕێنێت،ئەوەی بۆ هەمیشەیی دەمێنێتەوە پەروەردەیێكی جوانە، ئەو واقیعەی ئیستا دەیبینین پێویستی بەهەڵوێست وەرگرتنە بۆ ئەوەی درێژە نەكێشێت و پەروەردە بگەڕێتەوە سەر سیكەی خۆی و چیتر ئەگەرەكان لەبەردماندا نەبنە ڕاستیێكی تاڵ، بەئاراستكردن و ڕێنمایی دان دەتوانین سەركەوین و كۆمەڵگایێكی پەروەردەیی مۆدێرن دروست بكەین و نەكەوینە داوی زانستێك كەببێتە هۆكاری شێواندنی ڕێگا پەروەردەیەكان، دەزگا پەروەردەیەكان لەو كارە دەتوانن دەسپێشخەربن بەدانانی ڕێساو یاسای نوێ كەتایبەت بن بەپەروەردەو فێركردن، یەكێك لەو ڕێگا ئاراستەیانە دانانی چەند نمرەیاك بێت كەتایبەت بكرێت بەڕەوشت و پەروەردەی قوتابی بۆ ئەوەی چیتر زانست بەرۆكی پەروەردە نەگرێت.
