زاری كرمانجی- سۆران:
زیاتر لە 9 ساڵە بەردی بناغەی نەخۆشخانەیەكی 50 تەختی لە قەزای ڕواندز دانراوە. وەزیری تەندروستییش، دەڵێت: پڕۆژەیەكی ستراتیجییە و هەموو هەوڵی خۆمان دەدەین، بۆ ئەوەی بە زووترین كات دەست بە پڕۆژەكە بكرێتەوە.
د. سامان بەرزنجی، وەزیری تەندروستی حكوومەتی هەرێم، بۆ زاری كرمانجی گوتی: =گرنگە لە سەنتەری قەزای ڕواندز نەخۆشخانەیەكی لەو شێوەیە هەیە، بۆیە هەموو هەوڵی خۆمان دەدەین بە زووترین كات دەست بە پڕۆژەكە بكرێتەوە.
وەزیری تەندروستی حكوومەتی هەرێم، گوتیشی: لەگەڵ چەندین خێرخواز قسەمان كردووە كە بە هەر جۆرێك بێت ئەو پرۆژەیە بكەوێتەوە سەر كار و تەواو بكرێت و بكەوێتە خزمەتی هاووڵاتییان.
