زاری كرمانجی – سۆران:
بەڕێوەبەری راگەیاندن و پەیوەندییەكانی ئیدارەی سەربەخۆی سۆران، رایگەیاند:” ئەمڕۆ یەکشەممە، هەڵگۆرد شێخ نەجیب سەرپەرشتیاری ئیدارەی سەربەخۆی سۆران، پێشوازی د. سامان بەرزنجی وەزیری تەندروستی حکومەتی هەرێمی کوردستان و شاندیی یاوەری کرد.
هەژار حەكیم بەڕێوەبەری راگەیاندن و پەیوەندییەكانی ئیدارەی سۆران، ئاشكراشی كرد:” لە نزیكەوە سەردانی نەخۆشخانەی ئاشتی كرا لە قەزای ناوەندی سۆران و بەشەكانی نەخۆشخانە لە نزیكەوە بەسەكرایەوە و گەورەترین کارگەی بەرهەمهێنانی ئۆکسجین لە نەخۆشخانەکە کرایەوە .
هاوکات لە کۆنگرەیەکی رۆژنامەوانی هاوبەشدا لە نەخۆشخانەی ئاشتی سەرپەرشتیاری ئیدارەی سەربەخۆی سۆران و وەزیری تەندروستی گرنگیدان بە سێکتەری تەندروستی لە دەڤەرەکەدا، لە داهاتوودا دووپاتکرایەوە و رایگەیاند “کاری ڕژد دەکەین بۆ نەهێشتنی کەمووکورتیەکان لەم بوارە، بە تایبەت دابینکردنی ئامێری پزشکی پێشکەوتوو و داوودەرمان و کردنەوەی نەخۆشخانەو بنکەی تەندروستی بە پێی پێویستی بۆ هاوڵاتییان”.
