بۆچی كرێی خوێندن لە زانكۆی سۆران بەم شێوەیە گرانە؟

زاری كرمانجی – سۆران:

كارزان كەریم، مامۆستا لە زانكۆی سۆران پرسیار دەكات و دەڵێت: بۆچی لە زانكۆی سۆران كرێی خوێندن بۆ هەر ساڵێكی خوێندنی باڵا لە هەموو زانكۆكانی كوردستان گرانترە.

ئایا پێتان وانییە ئەوە تەنها گرانكردنی باری سەرشانی ئەو قوتابییانەیە كە لەم زانكۆیە دەخوێنن و هیچی تر ؟ بۆچی دەبێت بەم شێوەیە بێت ؟

سوپاسی هەر بەڕێزێك دەكەم ئەم بابەتەم بۆ شی بكاتەوە و حاڵیم بكات بۆ دەبێت زانكۆی سۆران لە هەموو زانكۆكانی تر خۆی جیا بكاتەوە و كرێی خوێندنی زیاتر داوا بكات لە قوتابییەكانی ئایا ئەوە كەی ڕەوایە بەم جۆرە، لە كاتێكدا هەموومان دەزانین لە ئێستادا هەرێمی كوردستان و فەرمانبەران و هاونیشتمانیان بە گشتی لە چ دۆخێكی سەختی ئابووری دا دەژین.

ئەوەی جێگەی نیگەرانیە بۆ ئێمەی قوتابی، زانكۆی سۆران لە هیچ ڕووێكەوە لە زانكۆكانی كوردستان جیاوازتری نابینین، بۆیە تێناگەین كە ئەم بڕیارانە لەسەر چ بنەمایەك دەدرێن ؟

ئەوەی لە خوارەوە ئاماژەی پێ دەكەم جیاوازی كرێی خوێندنی ساڵێكی قوتابی دكتۆرا لە زانكۆی سۆران و بەشێك لە زانكۆكانی هەرێمی كوردستانە بە نموونە، ئەگەر سەرنج بدەیت لە زانكۆی سۆران كرێی خوێندن لە هەموو زانكۆكان زیاترە:

• زانكۆی سۆران بۆ هەرساڵێك 3،850،000
• زانكۆی كۆیە بۆ هەر ساڵێك 2،475،000
• زانكۆی سەلاحەدێن بۆ هەر ساڵێك 2،200،000
• زانكۆی سلێمانی بۆ هەر ساڵێك 1،925،000