نرخی نەوتی خاو لەسەر ئاستی جیهانی بەرز بوویەوە

دوای ئەوەی نرخی بەرمیلێک نەوت بۆ خوار ٩٠ دۆلار دابەزی، ئەمڕۆ لە بۆرسەی جیهانی نەوت یەک بەرمیل نەوت بە ٩٠ دۆلار و ٦٥ سەنت مامەڵەی پێوەدەکرێت.
رۆژی شەممە، نرخی یەک بەرمیل نەوتی خاوی ئەمریکی (تێکساس) بە ٨٧ دۆلار ٥١ سەنتە و بەراورد بە رۆژی هەینی نرخەکەی بەرزبووەتەوە.
بەرزبوونەوەی نرخی نەوت دوای ئەوەهات، سعودیە بڕیاریدا تا سێ مانگی داهاتوو رۆژانە یەک ملیۆن بەرمیل نەوت لە بەرهەمەکەی کەمبکاتەوە و ئەلکساندەر نۆفاک جێگری سەرۆک وەزیرانی روسیاش رایگەیاند، تا کۆتایی ئەمساڵ بەرهەمهێنانی ٣٠٠ هەزار بەرمیل نەوتی رۆژانە کەمدەکەوەنەوە.