کورد هیچ کات ئازاد نابێ تا دەوڵەتی خۆی نەبێت

تەها ناوەندی

لە 25ئەیلوولی 2017 ڕیفڕاندۆم بە پڕۆسەیەکی ئاسایی و یاسایی ڕای خەڵک بۆ مانەوە و جیابوونەوەی کورد لە عیراق وەرگیرا.

سەرکردایەتی کورد لە ئەنجامدانی ڕیفڕانۆمدا،تەنیا پەیامی شۆڕشگێری و خەبات و قوربانیدانی چەندین ساڵەی گەلێکیان جێبەجێ کرد.
زۆرینەی کوردانی باشور وتیان دەوڵەتمان دەوێ،لە تەواوی پارچەکانی تریشدا هاوسۆزی و پاڵپشتی نیشاندرا .

پڕۆژەی سیاسی کوردەکان گەورەترە ،یان دەتوانین بڵین لە لای زۆرێک پیرۆزترە لە هەموو ئایدیا و سەرکردە و پارتێک.
لۆیە هەر تروسکایەک ببینرێ یا هەر هەنگاوێک بە ئاراستەی پرسەکەیان ببینن پشتگیری دەکەن و مەشخەڵی سەربەخۆیی وەردەگرن.
واتا ئەو پڕۆژەیە لە ناخ و دەرونی هەر کوردێکی خاوەن وێژداندا هەیە،نزیک سەدەیەکە بە ئازاری ویژدانەوە لەگەڵ عیراق دەژین،بەڵام کە لە قۆناخێکدا ناتوانرێ سەرکەوتوو بێ،حەق نییە وبە دروست نازانم ڕێگە بدرێ حیزبیانە خەڵک دژی بوەستنەوە، ئەو هەنگاوە بە غەدری ویژدانی دەزانم و،نا عەقڵانیە ئەو پرسە ببەستنەوە بە خەونی تەنیا حیزب و لایەنێک.
جارێ ئێمە دەوڵەت نین تەنیا پڕۆژەی حیزبیمان بۆ هەڵبژاردن هەبێ،ئامانجێکی گەورە لە ناوماندا هەیە ئەویش پڕۆژەی نەتەوەییە،لە هەر چوار پاررچەکەدا بە شێوازی جیاواز خەبات بۆ بەدیهێنانی دەکرێت،ئارمانج لێی ڕزگار بونە لە ژێردەستەیی.
ئاخر خاوەنی خاک و نیشتمانی خۆمان نەبین،لە کوێ کەڕامەت پارێزراو دەبین؟
کورد هیچ کات ئازاد نابێ تا دەوڵەتی خۆی نەبێت، لۆیە
نا لۆژیکیە کەمتەرخەمی یا کەم کوڕی لە ئیدارەدان یان بیری حیزبیانە کاریگەری لە خەونەکەمان بکات،دەبێت لە بیرمان بێت ئێمە تەنیا نوێنەری خۆمان نین،بەڵکو ئامانەتی خەباتی شەهیدان و قوربانیدەری جیلی پێشی خۆمانیشین،بۆیە لەسەرمانە پەیامیان بگەینین.
پێم وایە ریفراندۆم، شۆڕشێکی عەقلانی و ئاشتی بوو بەرامبەر بە هێزی ناعەقلانی و شەڕانگێز.
وەک حیزب
پارتی هیچ کات لە بێ هێزیدا هەنگاوی نەتەوەیی نەهاویشتووە،بەڵکو لەوپەڕی هێزیدا بووە داوای مافی گەلی کردووە،ئەمەش دەسەلمێنێ لەگەڵ خەون و ستراتیژیەتی خۆی ڕاستگۆ بووە و ئامادەیی تێدایە لە پێناو ئامانج و پڕۆژەی نەتەوەیدا ژیانی سیاسی خۆی بخاتە ژێر هەڕەشە.
لە سەرەتای دامەزراندنیەوە تا ئەمڕۆ پاڵپشت بە خەڵک خوێندنەوەی ڕاستی بۆ دۆزی گەلەکەی کردووە،دروشمەکانی بە قۆناغ بەرزکردوتەوە ،لە دروستکردنی حیزبێکی ئۆپۆزسیۆنەوە تا ئۆتۆنۆمی و فیدڕاڵی و دواجاریش لەگەڵ حیزب و لایەنەکان جاڕدانی ڕیفڕاندۆم بۆ سەربەخۆیی کوردستان.
دوای ڕیفراندۆم بەهۆی گەلەکۆمێی ناوخۆیی و هەرێمی و نێودەوڵەتی،پەیوەندیە دیبلۆماسیەکان،ئابوری هەرێم،هێزی سەربازی،ئارامی،پەیوەندی لایەکان هاتە نزیک سفر،بەڵام باوەڕی پارتی بە دۆز و خەڵکی کوردستان بەردەوام بوو تا گەیاندنەوە ئاستی خۆی و باشتر.
لە دوای ڕیفراندۆم دەولەتی فڕەنسا دەعوەتی سەرۆک وزیرانی ئەوکاتی هەرێمی کرد،نەتوانرا بە شێوەیەکی فەرمی لە فڕۆکەخانەی هەولێر گەشت بکەن،تا گەیشتە ئەو وڵاتە چەندین فڕۆکەخانەیان گۆڕی،بەڵام ئیستا سەرۆک کۆماری فەڕەنسا لە فڕۆکەخانەی هەولێر لەلایەن هەمان کەسەوە پێشوازی لێ دەکرێت.
لە ڕووی ئابوریەوە لە سفرەوە ئیستا گەیشتینەوە بە مووچەی تەواو ئەگەر چاکسازیەکان تەواو بکرێن هەلی کار و پڕۆژە خزمەتگوزاریەکانیش زیاتر دەبن.
بە حیکمەتی سەرۆک بارزانی و خۆڕاگری خەڵکی کوردستان ئێستا بە شکۆمەندیەوە خاوەن بلیتی ڕیفڕاندۆم و کوردستانێکی بەهێزین.