پشتیوان كەریم – سۆران:
بەڕێوەبەری چاودێری و گەشە پێدانی كۆمەڵایەتی ئیدارەی سۆران، دەڵێت: ” ماوەیەكە دەستكراوە بە تۆمار كردنی ناوی كەمئەندام و خاوەن پێداویستییە تایبەتەكان، لە ماوەی رابردوو زیاتر لە هەزار كەس ناویان تۆمار كراوە و بۆ هەولێر بەرز كراوەونەتەوە.
لای خۆیەوە، توران خدر، بەڕێوەبەری چاودێری و گەشەپێدانی كۆمەڵایەتی سۆران، بە زاری كرمانجی راگەیاند: ” ئەو كەمئەندامانەی ناویان تۆمار كراوە، پێكهاتوون لە (شەلەل دەماغ، ئۆتیزم، كورتەباڵا، بیركۆڵ، داوسینجۆن) تەواوی كەمئەندامەكانیش دەدرێنە لیژنەی پزیشكی، زۆربەی زۆریشیان لیژنەیان كردووە و رێكارەكانیان تەواو كردووە، گەڕانەوەی ناوەكانیان لە قۆناغی كۆتایدایە و دوای ڕەزامەندی وەزارەتی دارایی مووچەی 150 هەزار دیناریان بۆ تەرخان دەكرێت”.
ئەوەشی خستەڕوو، لە بەڕێوەبەرایەتی چاودێری و گەشەپێدانی كۆمەڵایەتی سۆران، ساڵانی پێشتر هەزاران كەس ناویان وەك كەم ئەندام تۆمار كراوە، ئەوانەی تەنها ئەو موچەیان هەیە مانگانە 150 هەزار دیناریان پێدەدرێت، ئەوانەی جیا لە كەم ئەندامی موچەیەكی دیكەیان هەیە، 100 هەزار دیناریان پێدەدرێت.
