پشتیوان كەریم – زاری كرمانجی :
نەوت فرۆشێكی سەنتەری قەزای ناوەندی سۆران، لە بارەی نرخی نەوتی سپی ماڵان بۆ زاری كرمانجی دەڵێت:” ماوەی چەند رۆژێکە نرخی نەوتی سپی لە بازاڕەکانی نەوت فرۆشاندا رووی لە هەڵکشان کردووە.
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بێجی بە 180 هەزار دینارە و نرخی یەک بەرمیل نەوتی موسڵ بە 175هەزار دینار دەفرۆشرێت، هاوکات هەر لیترێک نەوت 800 بۆ 820 دینار دەفرۆشرێت لەبازاڕدا.
ئاشکراشیکرد:” ماوەی دوو هەفتەیە خواست لەسەری زیاتر بووەو نەوتی كەمتریشمان بۆدێت، بۆیە لەماوەی ئەم دوو هەفتەیە نرخه‌كه‌ی 20 بۆ 25 هەزار دینار بەرز بووه‌تەوە ”.
