دیدار-زاری كرمانجی
كارگێڕو بەرپرسی بەشی ڕێكخراوە جەماوەری و پیشەییەكانی لقی 10ی پارتی دیموكراتی كوردستان، لە دیدارێكی زاری كرمانجی دەڵێت: ” بەدرێژایی خەبات و بەرخودانی پارتی هەمیشە پێداگری لەسەر ناسنامەی كەركووك و ناوچە كوردستانییەكان و پاراستنی خەڵكەكەی كردووە.
عەبدوڵڕەحمان گوانی، كارگێڕو بەرپرسی بەشی ڕێكخراوە جەماوەری و پیشەییەكانی لقی 10ی پارتی دیموكراتی كوردستان، بە زاری كرمانجی ڕاگەیاند: ” پرسی كەركووك هەستیارەو بەدرێژایی خەبات و بەرخودانی پارتی هەمیشە پێداگری لەسەر پاراستنی ناسنامەی كورد لە كەركووك و ناوچە كوردستانییەكان كردووەو بەردەوامیشە، لەدوای ڕاپەڕینیش حكوومەتی هەرێمی كوردستان كێشەی سەرەكی لەگەڵ حكوومەتی ناوەند كەركووك و ناوچە كوردستانییەكان بوونە، هەروەك ڕژێمە یەك لەدوا یەكەكانی عێڕاق هەرگیز دانیان بە مافی كورد نەناوە لە كەكووك، هەمیشە بە خاكی عەڕەب یان ناوبردووە، تەنانەت دوڵەتانی دەوووروبەریش بۆ نموونە توركیا و ئێران هەستیاریان هەیە بەرامبەر بە كەركووك وەك شارێكی كوردستان، شیعەو سونەكانی ناو عێراق هەمان هەستیاریان هەیە، واتە كێشەی كەركووك دوورو درێژە”.
گووتیشی: ” ئەوەی ئێستا بەتایبەت لەم چەند ڕۆژە لە كەركووك ڕویدا تیادا خەڵكی كورد بووە شەهید و قوربانی، هەمووی لەدوای خەیانەتی 16ی ئۆكتۆبەر سەرچاوەی گرتووە، كە بە ڕۆژی ڕوناك بینیمان لایەنێكی دیاری هەرێمی كوردستان، بە ڕاگەیاندراو دان پێدانانی خۆیان، گروپێك لەناو یەكێتی، رێكەوتنی لەگەڵ حەشدی شەعبی و لایەن عێراقییەكان كردو كەركوكیان رادەست كردن، دوای ئەم رووداوانە پارتی دیموكراتی كوردستان بوونی لە كەركوك و ناوچەكە نەما، نەبوونی پارتیش لە هەر شوێنێك كێشەو گرفت زیاتر لە ناوچەكە دروست دەكات، كەچی دوای ئەم خەیانەتە تا ئێستا یەكێتی بنكەو بارەگاكانی لە كەركوك ماوە، تەنانەت كادیرەكانیان لە شارەكە بەشداریان هەیە، بەڵكو ئەو پارێزگا سەپێنراوە لە كەركووك دانراوە، بە رێكەوتن بوو لەگەڵ هەمان ئەو گروپەی یەكێتی كە خەیانەتیان كرد لە 16ی ئۆكتۆبەر”.
ئەم كارگێڕەی لقی 10ی پارتی، ئاماژەی بەوەشدا: ” لە ئێستادا قۆناغێكی نوێ هاتۆتە ئاراوە، بڕیاربوو پارتی دیموكراتی كوردستان، بۆ هەڵبژاردنی ئەنجوومەنی پارێزگاكان، بەپێی ئەو رێكەوتنەی لەگەڵ ئیدارەی دەوڵەت بۆ پێكهێنانی ئەو حكوومەتەی كە ئێستا سوودانی سەرۆكایەتی دەكات، كێشەكان چارەسەر بكرێن و پارتی بگەڕێتەوە بۆ كەركووك و ئەم ناوچانەی پێشتر لێی بووەو بارەگاكانی خۆشی وەربگرێتەوە، كەچی بەداخەوە ئاژەوە گێڕان بە هەماهەنگی ئەو لایەنانەی ناو كەركووك رێگریان كرد، بەڵام بینیمان خەڵكی كوردپەروەری كەركووك دژ بەم رێگریانە هاتنە سەر شەقام دژ بە نەیاران وەستانەوە، تەنانەت ئامادبوونی شەهیدو قوربانی بدەن، ئەم باردۆخانە دەگەڕینەوە بۆ ئەستۆی ئەم لایەنانەی ئامادەنین بێنە ژێر باڵی كورد، بینیمان لێدوانەكانی بەرپرسانی یەكێتی لەمبارەوە چۆنە، تەنانەت پاڤڵ تاڵەبانی هاوسەرۆكی یەكێتی لێدوانەكانی لەئاست ئەو كێشەو گرفت و قوربانیدانانە نەبوون كە بەرامبەر بە خەڵكی كەركووك دەكرێت”.
عەبدوڵڕەحمان گوانی، دەشڵێت: ” پێمانوایە كەركووك داگیركراوەو پێویستی بە چارەسەری بنەڕەتی هەیە، لە هەمووش گرنگتر ئەوەیە كورد هەموو یەكگربێت بۆ پاراستنی خاك و گەڕاندنەوەی كەركووك و مافەكانی خەڵكەكەی و هەمووان بەیەك تیم و یەك دەنگ رووبەڕووی كێشەو گرفتەكان و مافەكانی گەلەكەمان ببینەوە، بۆ نەهێشتنی ئەو غەدرانەی بەرامبەر بە كورد و خەڵكی كەركووك دەكرێت”.
لەدوا قسەكانیدا ئەوە دەخاتەڕوو: ” پارتی بەڕێبەرایەتی سەرۆك بارزانی و هەمیشە پێداگری لە خاكی كەركووك ناسنامەكەی كوردببونی كردووە، كاتێك رێفراندۆم كرا بۆ پاراستنی خەڵكەكەو گەڕانەوەی خاكەكە بوو، لەكاتێكدا نەیارانی كورد دەڵێن بۆچی ریفراندۆمتان كرد لە چیتان كەم بوو، بەڵام سەرۆك بارزانی هەمیشە پیداگری لەسەر گێڕانەوەی كەركووك و ناوچە كوردستانییەكان كردووەو ئامادە نەبووە لە بستێك خاكی ئەم وڵاتە خۆش بێت، هەروەك لە بەیانامەكەش دەڵێت ئەوانەی زوڵم لە كورد دەكەن و خەڵك دەكەنە شەهید و قوربانی باجی قورس دەدەن، لەگەڵ ئەوەشدا بە گفتوگۆ لەگەڵ لایەنە پەیوەندیدارەكان لەسەر هێگن بۆ ئەوەی كێشەكان چارەسەر بكرێن.
