رووداوکانی کەوتنەوەی ئاگر روو لەزیادبوونن

پشتیوان کەریم- سۆران:

وتەبێژی بەرگری شارستانی سۆران، بە زاری کرمانجی گووت: “رێژەی زۆری رووداوەکانی کەوتنەوەی ئاگر، بۆ چەند هۆکارێک دەگەڕێتەوە کە دیارترینیان بەهۆی شۆرتی کارەباو زۆرترین رووداویش بەهۆکاری نادیار درووست دەبن”.

رائید ڕەوەند مەغدید هاودیانی، وتەبێژی بەرگری شارستانی سۆران دەشڵێت: گەر تا کۆتایی ساڵ بەو ئاراستەیە بێت رووداوی ئاگر بەبەراورد بەساڵی پار زیاتر و زۆرتر دەبن.

ئەوەشی خستەڕوو: “تا کۆتایی ساڵ ئامارەکان بۆ ڕایی گشتی ناخرێتە ڕوو، بەڵام کۆیی ئەو رووداوە ئاگركەوتنەوانە کە لە سنووری بەڕێوەبەرایەتیمان روودەدەن تۆمار دەکرێن، لەکاتی هەبوونی ئاگریش ئەرکمان کۆنتڕۆڵ کردن و زانینی سەرچاوەی درووستبوونی ئاگرو خەملاندنی زەرەو زیانەکانە .”