ریفراندوم تاپوویا سەركەفتنا ئیرادا مللەتێ كورد

ئاخچین دوسكی
ریفراندوما سەربەخویا كوردستانێ هەڤدەم بوو دگەل ریفراندومێن چەندین نەتەوێن بیانی باشترین نمونا ل بەرچاڤ ژی ریفراندما هەرێما كەتەلونیا بوو، هەمی وەلاتێن سەر ئاستی ئەوروپا چاڤ ل ئەنجامێ ریفراندوما هەرێما كەتەلونیا و هەرێما كوردستانێ بوون، چونكی وان وەلاتان ترس ل دابەش بوونا خو هەبوو پاش دەركەفتنا ئەنجامێن ریفراندوما هەرێما كەتە لونیا لێ هات راگرتن و سەروكێ وێ هات دەستگیركرن، لەورا ریفراندوما هەرێما كوردستانێ ژی كارتێكرن ل سەر وەلاتان هەبوون. چونكی هەر وەلاتەك ژوان چەندین هەرێم هەنە، ترسا دابەشبوونا هەرێمێن خو هەبوو، سەرەرای هەمیێ ژی بڕیارا ئەنجامدانا ریفراندوما هەرێما كوردستانێ ژ لایێ سەروكێ هەرێمێ ڤە باشترین بڕیار بوو و مێژویەك پڕ شانازی بوو. ئەنجامدانا ڤێ پڕوسێ هات دیاركرن هەژی گوتنێ یە كول رێكەفتی٢٠١٧/٩/٢٥ روژا گەهاندنا پەیاما گەلێ زولم و ستەم لێكری ب بڕیارا( سەروك بارزانی ) هەڵبژارتنێن ریفرادوما سەربەخویا كوردستانێ ل ڤێ روژێ هاتە ئەنجام دان، ژ پێخەمەت سەربەخویا كورد و كوردستانێ و رزگاربوون ل ژێر زولم و ستەمێ كوردێن شەرەفمەند هەڵگرێن ناسناما كوردایەتیێ دڤێ روژێ داب دەنگێ (بەلێ) دەنگ دا سەربەخویا كوردستانێ د مێژوویا مللەتێ كورد دا یادەكا پڕ سەروەری و سەركەفتن و ئیرادە هاتە توماركرن د لا پەڕەكێ گرنگ و پیروز دناڤ دیروكێ دا. ریفراندومێ دەنگ و پەیاما كوردستانیان ل ژێر ێیك ئالاو ئێك هەلویست كوم ڤەكر ل دژی نەحەز و نەیارێن كوردستانێ مەزنترین دەست كەفت بوو ژ بوو مللەتێ كورد بو دەست ڤەئینانا مافێن خو، گشت پرسی ژ بو جودا بوون و سەرخوە بوونا كوردستانێ ژ عیراقێ چونكە دیروك شاهدە كو حكوومەتا عیراقێ چەند زولم و ستەم دەر حەقا مللەتێ كورد د ئەنجام دایە مللەتێ كورد سەدەها ساڵە بەردەوامە ژ خەبات و قوربانیدانێ ژ بو گەهشتن ل ئارمانجێن خوەیێن نەتەوەی ب خوش بەختانە ب زوربە یا دەنگێن (بەلێ) دەنگێ جەماوەرێ كوردستانێ و ب پشتە ڤانیا سەروكێ هەرێما كوردستانێ رێزدار (مسعود بارزانی) سەرەڕای هەمی ئاستەنگ پیلانێن دوژمن و نەحەزێن كوردستانێ ب پڕی شانازی ڤەهاتبوو ئەنجام دان و تاكو كورد هەنە شانازیێ ب ڤێ روژێ دكەن.