جبار عبداللە
لەساڵی ۱۹۹۱ دوای ڕاپەڕینە مەزنەكەی كوردستانی باشوور كەبووە هۆی ڕزگاربوونی كورد لەدەست ڕژێمێكی ستمكار، پارتی هەر لەو كاتەوە بیرۆكەی هەڵبژاردنی خستە بەردەم ئەو لاینانەی كە وجودیان هەبوو لەكوردستان، هەر چەندە كوردستان ئەوكات لەباردۆخێكی ناسەقامگیردابوو بەهۆی نەبوونی هیچ دەستورێك و یاسایێكی تایبەت بەكۆمەڵگەوە، لەلایەكی تر كورد لەژێر چاودێری دەوڵەتە زلهێزەكاندا بوو وەكو تاقیكردنەوەیەكی سەرەتایی ئاخۆ كورد دوای ئازادی چۆن دەتوانێ مافەكانی خۆی دەستبەر بكات و سەركەوێت بەسەر ئەو قەیران و تەنگەژانەی كەلەسەرەتای ئازادی دوچاری هاتوون هەموو ئەو قەیرانانە بەڕوونی دیاربوون وەكو ئەنجامدانی هەڵبژاردنی پێشوەختە و دانانی دەستورێك بۆ وڵات و ڕێكخستنی نیزامی سەربازی و دامەزراندنی دام و دەزگا خزمەتگوزاریەكان بۆ خزمەتی هاووڵاتییان ئەمەش پێویستی بەداراییەكی باش هەبوو بۆ خۆدەربازكردن دۆزینەوەی ڕێگا چارە.
سەركردایەتی پارتی و سیاسەتی ئەو حزبە بۆ زاڵبوون بەسەر ئەو قیرانانە لەهەوڵەكانیان بەردەوام بوون تاكو توانیان تەواوی ئەو بەربەستانە بشكێنن كەبەرۆكی كوردیان گرتبوو، یەكەمین ئامانجی پارتی لەوكاتەدا ئەنجامدانی هەڵبژاردن بوو سەركردایەتی پارتی پێیوابوو چارەسەری دۆخەكە سەرەتا بەهەڵبژاردن دەكرێت و دۆخێكی باشتر لە هەرێمی كورڕستان سەرهەڵدەدات و دەبێتە نەخشە ڕێگای چارەسەریەكان، هەر لەگەڵ ئەنجامدانی هەڵبژاردن پارتی جۆری سیاسەتی خۆی پیشان جیهانی دەرەوەدا كەئێمە دیموكراسی خوازین نەك سەپاندنی دەسهەڵاتی زۆرەملێ، ئیستاش پارتی هەربەو سیاسەتەوە دەیەوێت بناغەی دامەزراندنی حكومەت و پەڕلەمان لەڕێگای هەڵبژاردنەوەبێت كەم افێكی شەرعی هاووڵاتییانە و نابێت ئەو مافە لە هاووڵاتییان زەوت بكرێت، ئەگەر پارتی چووبایە ژێرباری لاینەكانی تر ئەوە لەمێژبوو تەمەنی ئەو كابینەیە درێژدەكرایەوە و پێشێلی مافی هاووڵاتییان دەكرا لەئەنجامدانی هەڵبژاردن.
ئەو لایەنانەی بۆنەتە بەربەست لەبەردەم ئەو پڕۆسیە سوور دەزانن توشی شكستێكی گەورە دەبنەوە و ڕووی راستەقینەیان بۆ هاونشتیمانیان دەردەكەوێت بۆیە دەیانەوێت بەهەر جۆرێك بێت كاتی هەڵبژارنەكان دوابخرێت و ئەنجام نەدرێت، ئەوەی بۆ پارتی ماوەتەوە چاوەڕوانی بڕیاری كۆتاییە لەسەر ئەنجامدانی ئەو پڕۆسەیە لەهەر كاتێكدابكرێت بێ ئەوەی ترسنۆكانە بڕیاری لابەلابدات و خۆی بدزێتەوە لەپڕۆسەیێكی ئاوا گرنگ و چارەنوساز، پارتی هەموو كات تەكزی لەسەر ئەوەكردۆتەوە كەڕێگای دیموكراسیەت بەندە بەهەڵبژاردنەكانەوە، ئەگەر مێژووی پڕلە فیداكاری پارتی بەلایەنێك بشێوێنرێت كەخاك و نشتیمانیان پێشكەشكرد بە دوژمنان ئەوە چاوەڕێی هیچ پێشكەوتنێك نەبن لەدەست ئەمانە، پێویستە هەڵبژاردن بكەینە ڕێگای سزادان و تۆڵەكردنەوە لەو لایەنانەی كەهەمووكات لەگەڵ خواستی بێگانەدان.
