هابیل زرار : زۆرترین لاو لە ئیدارەی سۆران بێ كارن

موڕشید برادۆستی – سیدەكان:
ئەمڕۆ 12ی 8 رۆژی جیهانی لاوانە، لە شار و شارۆچكەكانی كوردستانیش بە چالاكی جۆرا و جۆر رۆژەكە بەرز ڕادەگیرێت، لە سنووری ئیدارەی سۆرانیش ژمارەیەك چالاكی بەو بۆنەیەوە ئەنجام دەدرێن .
هابیل زرار بەڕێوەبەری لاوانی ئیدارەی سۆران، بە زاری كرمانجی راگەیاند:” وەكو بەڕێوەبەرایەتی دیوانی لاوانی سۆران، بەبۆنەی رۆژی جیهانی لاوان كۆمەڵێك خوول و چالاكی جۆرا و جۆرمان هەیە، لەوانە كردنەوەی خوولی مەلەوانی ئافرەتان لە رواندز، هەروەها خەڵات كردنی تەواوی قوتابییانی پلەی یەكەم و دووەم و سێیەمیان لە پۆلی شەشی ئامادەیی لە سنووری قەزا و ناحیەكانی ئیدارەی سۆران بە دەست هێناوە، كردنەوەی خوولێكی تایكواندۆ ” بۆكسێن ” لە لایەن ناوەندی وەرزش و لاوانی سۆران، ناوەندی وەرزش و لاوانی سیدەكانیش، خوولێكی درومان تایبەت بە ئافرەتان دەكرێتەوە، هەروەها لە رواندز جیا لە دامەرزاندنی دوو فێرگەی كچان و كوڕان، كردنەوەی پاڵەوانیەكی تێنسی سەر زەوی لەسەر ئاستی هەموو هەرێمی كوردستان لە ژێر چاودێری سەرپەرشتیاری ئیدارەی سەربەخۆی سۆران بەو بۆنەیەوە دەكرێتەوە .
بەڕێوەبەری لاوانی سۆران، ناشی شارێتەوە، رێژەیەكی زۆری لاوان لە ئیدارەی سۆران بێ كارن لە حكوومەت و كەرتی تایبەت نەیان توانیوە هەلی كاریان بۆ بڕەخسێت، دەڵێت، بەداخەوە رۆژ بە رۆژ لاوانمان و دەرچووانی زانكۆ و پەیمانگەكان بێ كار لە ماڵەوە دادەنیشن، هەرچەندە پەیوەندیمان بە بەڕێوەبەرایەتی ئاماری سۆرانەوە كرد، بەڵام هیچ ئامارێكی دروستمان لەبەر دەست نییە، بەڵام رێژەی بێكاری لاوان لەو دەڤەرە یەكجار زۆرە .
گووتیشی:” هەرچی داواكارییە بۆ بۆ وەزارەتی دارایی بەرز دەكەینەوە ڕەتدەكرێتەوە، ئیدارەی سۆرانيش ڕەزامەند نەبووە بە گرێبەست و خۆبەخشیش هیچ فەرمانبەرێك و لاواێك دابمەزرێنێت، له‌ كاتیێكدا، زۆربەی ناوەندەكانی لاوانمان لە سیدەكان، چۆمان، خەلیفان فەرمانبەریان پێویستە و كێشەی كەمی میلاكاتمان لەو شوێنانە هەیە”.”.