شاری شنۆی رۆژهەڵاتی كوردستان كەوتە دەست خۆپێشاندەرانەوە

ئالۆَزییەكانی ئێران پێی نایە رۆژی هەشتەمەوە

زاری كرمانجی- سۆران:

دوای گیان لەدەستدانی مەهسا ئەمینی ناڕەزاییەتییەكان تەواوی شارەكانی ئێران و رۆژهەڵاتی كوردستانی گرتەوە، بەجۆرێك كە زیاتر لە 30 ساڵە ئێران ئەمجۆرە نارەزایەتی و خۆپیشاندانەی لە دژی دەستڵاتی ئێرانی بەخۆیەوە نەبینیوە.
دوای كوژرانی ژینا (مەهسا) ئەمینیی خۆپیشاندان لەزۆربەی شارەكانی ئێران‌و ڕۆژهەڵاتی كوردستان دەستی پێكردوەو دروشمەكان دژی رابەر و دەستەڵاتی ئێران گووترانەوە، بە پێی دوانی زانیارییەكانی نافەرمی ژمارەی كوژراوان بۆ سەرووی 35 كەس بەرز بۆتەوە و هەروەها زیاتر سەدان كەسیش بریندار بوونە و هەزاران كەسیش لە لایەن هێزەكانی سەربەحكومەتی ئێرانەوە دەستگیر كراون.
بەهۆی پچراندنی هێلەكانی ئەنتەرنێت لە لایەن ئێرانەوە زانیارییەكان بە وردی ناگەنە دەست سەرچاوە هەواڵییەكانی دەرەوەی و ناوەی ئیرانیش، بە تایبەتی كە كەناڵەكانی سەر بە حكومەتی ئێران راستییەكان یا وەك خۆی ناگەینن، یا نیش ئاوەژۆی دەكەن.
بە پێی دواین زانیارییەكان شەوی ڕابردووش گرژییەكان زۆربەش شارەكانی ئێرانی گرتۆتەوە، لە رۆژهەڵاتیش بەشێكی هەرە زۆری هێزە ئەمنیەكانی ئێران ناچاركران بچنە دەرەوەی شاری شنۆ ‌و خۆپیشاندەرانیش دروشمی (مەرگ بۆ دیكتاتۆر)یان كووتەوە لەگەڵ چەند دروشمێك بۆ حزبەكانی ڕۆژهەڵات.
شەوی ڕابردوو لەشارەكانی تەبرێز، خوڕەم ئاباد، لوڕستان‌ و كرماشان و شارەكانی دیكەی ڕۆژهەڵاتی كوردستان خۆپیشاندان كوردان دەستیپێكردەوەو تا درەنگانی شەو بەردەوامی هەبووە.
گرژی و ئالۆزییەكانی ئێران پێی نایە رۆژی، ڕێكخراوی مافی مرۆڤی ئێرانیش ئامارێكی ئاشكراكردوەو ڕایگەیاندووە، تا شەشەم ڕۆژی خۆپیشاندانەكان، نزیكەی 36 كەس بەگولەی هێزە ئەمنییەكانی ئێران گیانیان لەدەستداوە.
لە لایەكیدیكەوە حزبەكانی ڕۆژهەڵاتی كوردستانیش هاتوونەتە دەنگ ‌و پەیامی جیاواز ئاراستەی خۆپیشاندەرانی ڕۆژهەڵات دەكەن.
ئەمڕۆ هەشتەم ڕۆژی ناڕەزایەتییەكانی ئێران‌و ڕۆژهەڵاتی كوردستانە، وەكو زانراوە، ئەمڕۆش لەشارەكانی (تاران، تەبرێز، خوڕەم ئاباد، كرماشان، ئورمیە، سنە، بۆكان‌و شنۆ) جارێكی دیكە ناڕەزایی‌و خۆپیشاندانەكان دەستپپێبكەنەوە.

بەگوێرەی سەرچاوەكانی هەواڵ لەشارەكانی ڕۆژهەڵات، لەشاری سنە ڕوبەڕوبونەوە لەنێوان خۆپیشاندەران‌و هێزەكانی ئێراندا دروستبووەو لە بۆكانیش هێزەكانی ئێران تەقەی ڕاستەوخۆ لەماڵی هاووڵاتییان دەكەن.

ڕۆژی سێشەممە، 13ی ئەیلولی 2022، ژینا ئەمینیی تەمەن 22 ساڵ، كچە كوردی دانیشتوی شاری سەقزی ڕۆژهەڵاتی كوردستان لەكاتی سەردانێكیدا لەگەڵ خێزانەكەی بۆ تاران بەتۆمەتی “پابەندنەبوون ڕێكارەكانی باڵاپۆشییەوە” لەلایەن یەكەیەكی پۆلیسی ئێران كە بەرپرسن لەچاودێریكردنی جلوبەرگی ژنان كە بە”پۆلیسی ڕەوشت” ناسراون، دەستبەسەركرا و دوای مانەوەی بۆ سێ رۆژ لە نەخۆشخانە ڕۆژی هەینی 16ی ئەیلول، لەنەخۆشخانەی كەسرای تاران گیانی لەدەستدا.