پڕۆژەكە بە گوژمەی یەك ملیارو سی ملیۆن دینار جێبەجێ كرا
زاری كرمانجی-خەلیفان
پڕۆژەی چاككردن و قیڕتاوكردنی رێگای گوندەكانی (بەوركان -كونەسیخور-ساوا-دۆلەتێسو)لە سنووری خەلیفان بە درێژایی ٧٨٠٠ بەكۆتا هات.
مەغدید عەریف ئەحمەد، بەڕێوەبەری ناحیەی خەلیفان، بە زاری كرمانجی گووت ” پڕۆژەی چاككردن و قیڕتاوكردنی رێگای گوندەكانی (بەوركان-كونەسیخور-ساوا-دۆلەتێسو) بە درێژایی ٧٨٠٠مەتر لەسەر بودجەی ئیدارەی سەربەخۆی سۆران، بە گوژمەی یەك ملیارو سی ملیۆن دینار بەكۆتا هات”.
ئاماژەی بەوەشدا ” ئەم پڕۆژەیە سودی دەبێت بۆ گرنگی دان بە كەرتی كشتوكاڵى و گەشت و گوزار و ئاسانكاری بۆ هاتووچۆی گوند نشینان و بەستنەوەی قەزای خەلیفان بە ناحیەی دینارتە-قەزای ئاكرێ.
