” خێزان لەبەردەم هەڕەشەیەكی كوشندە و گەورە دایە “

زاری كرمانجی – سۆران:
لە دیدرارێكی زرای كرمانجیدا، مامۆستا ئەكبەر غەریب، رێنمای كار و راوێژكاری پەروەردەییە، باس لە رۆلی پەیوەندی خێزانی لەناو كۆمەڵگەی كوردی دەكات، هێما بۆچەمكە پەروەردەیەكانی خێزان دەكات، هەروەها بە ووردی تیشك دەخاتە سەر تەكنەلۆژیاو پلات فۆڕمەكانی تۆڕی كۆمەڵایەتی و كاریگەریەكانی دەخاتەڕوو.
لە دەستپێكی قسەكانیدا، مامۆستا ئەكبەر غەریب، رێنمایی كاری پەروەردەیی، دەڵێ:” خێزان لە ئێستادا لەبەردەم هەڕەشەیەكی كوشوندە و گەورە دایە، كۆمەڵگەی كوردەواری لە رابردوو خاوەنی نەریت، كەلتوورو ژینگەو فیكر، پەروەردە و شتە جوانەكان بوو، ئێستا بە هۆی ئەوەی كە گورزی كوشندەی تۆرەكۆمەڵایەتییەكان و میدیا بەرمان كەوتووە، كۆمەڵگەی كوردەواری دەستی بەربووە لەهەموو بەها جوان و ئەخلاقییەكان، ئەبێ ئێمە وەك خێزان بۆ خۆمان ببین بە جەنگاوەرێكی حەقیقی تابتوانین تاكی جوان پەروەردە بكەین و بیخەینە ناو كۆمەڵگەوە، بۆیە دۆخی كۆمەڵایەتی و كلتووری بەدیدی من لە ئێستادا لاوازە بووە.
ئەكبەر غەریب لەبارەی خێزانەوە دەشڵێت:” لە راستیدا خێزان دوو پایەی گرینی هەیە كە بەسەری وەستاوە ئەویش دایك و باوكن، بۆیە دایكان و باوكان ئەبێ تێڕوانینی وورتریان هەبێت لەجاران زیاتر لە ناو خێزانەكانییان بنیات بنێن، یەكێك لەو كارە كوشندەیەیی كە بەرۆكی كۆمەڵگەی ئێمەی گرتووە خەمساردی دایك و باوكانە بەدیاریكراوی لە تێروانینیان بۆ ئایندەی خێزانەكانیان، راستە پەروەردەی منداڵ قورسە بۆ خێزان، بەڵام ئێستاش وەك پێستر نییە، گرنگرترین سێ بنەمای ناو دایك و باوكان بەرامبەر بەخێزان كە بریتین لە ئەركی سەرشان و ئەركی سەر دڵ ئەركی سەر رۆح پڕۆسەی پەروەردەكردنی منداڵەكان ئەركی سەر دڵە نەك ئەركی سەرشان، لە ئێستادا دایكان و باوكان تەنها خەریكی بەخێوكردنی منداڵكانن نەك پەروەردەكردنی منداڵ، بۆیە منداڵ ئەبێ لەناوەوە دەستكاری بكەین نەك لەدەروە چاندنی چەمكە خێزانییەكان لە منداڵدا زۆر گرنگە لە پرسەی پەروەكردندا، بەڵام دایكان و باوكان و ئێمەو مانا تۆزێ كەمتەر خەمین .
ئەو راوێژكارە پەروەردەییە، نیگەرانی خۆشی لە هەمبەر تەكنەلۆژیای ئێستا دەربڕی و ئاشكرای دەكات:” لە هەموو دوونیان كە هەرشتێكی نوێ دەردەچێت گەر ئەو كۆمەڵگەیە ووریابن پلانی ووردیان هەیە بۆ ئەو بابەتە كۆمەڵگەكانی دیكە كاتێك ئامێرێك دەخرێتە ناویانەوە لە رووی زاراوەوە شتێكی بۆ دادەتاشن، بەڵام لای ئێمە خێرا خزایە ناومان نەمان توانی بیر لە چەمكێك بكەینەوە یا چەمكێكی بۆ دابنێن ئەوەش كاریگەری نەرێنی بەدوای خۆی داهێناوە، ئەم تۆڕانە وایكرد كە نزیكەكانی لێ دوور خستینەوە و دوورەكانیشی لێ نزیك كردینەوە، لەپاڵ ئەمەشیان بۆ لایەنی باش بۆتە وەسیلەیەكی گرینگ بۆ ئاسانكردنی كاروباری مرۆڤەكان”.