بەرزترین پلەکانی گەرمای پێشبینیکراو لە ئیدارەی سۆران 43 پلەی سیلیزییە
زاری کرمانجی – سۆران :
وەزارەتی گواستنەوە و گەیاندنی حکومەتی هەرێم کەشی پێشبینیکراوی 48 کاتژمێری داهاتووی بڵاو کردەوە و شارەزایەکی کەشناسی ڕاگەیاند، بەرزبوونەوەی پلەکانی گەرما زۆر ناخایەنێت و کورت مەودا دەبێت، دەشڵێت،”لە ڕۆژی سێشەممەوە پلەکانی گەرما ڕوو لە دابەزین دەکەن”.
ئەمڕۆ یەکشەممە 23 تەممووزی 2023، کەش ، ئاسمان ساماڵ دەبێت بەگشتی و خێرای با لەسەرخۆ – مامناوەند ( 10 – 25 ) کم /ک دەبێت. هەروەها ئاراستەی با باکووری خۆرئاوا دەبێت و پلەکانی گەرماش کەمێک بەرز دەبێتەوە بە بەراورد بە تۆمارکراوەکانی دوێنێ.
سبەی دووشەممە 24 ی تەممووزی 2023 کەش و هەوا بەم شێوەیەی خوارەوە دەبێت :
کەش/ ئاسمان ساماڵ دەبێت.
خێرای با / لەسەرخۆ – مامناوەند ( 10 – 20 ) کم /ک دەبێت, هەندێک کات زیاد دەکات بۆ سەروو ی 15کم/ ک.
ئاراستەی با / باکووری خۆرئاوا دەبێت .
مەودای بینین/ لە نێوان ( 8 – 10 ) کم دەبێت .
پلەکانی گەرما/ کەمێک نزمتر دەبێت لە تۆمارکراوەکانی ئەمڕۆ .
بەرزترین پلەکانی گەرمای پێشبینیکراو بە پلەی سیلیزی :
(هەولێر: 45 ، سلێمانی: 42 ، دهۆک : 43 ، کەرکووک : 47 ، هەڵەبجە : 45 ، حاجی ئۆمەران : 32 ، زاخۆ: 45 ، سۆران : 43، گەرمیان: 47).
هاوکات شارەزایەکی کەشناسی هێما بۆ ئەوە دەکات بەرزبوونەوەی پلەکانی گەرما زۆر ناخایەنێت و کورت مەودا دەبێت، دەشڵێت :”لە ڕۆژی سێشەممەوە پلەکانی گەرما ڕوو لە دابەزین دەکەن”.
شاڵاو هیدایەت شارەزای بواری کەشناسی لە واڵەکەی خۆی لە تۆڕی کۆمەڵایەتی فەیسبووک بڵاوی کردووەتەوە: “ئەمساڵ تا ئێستا هاوینمان سەلامەتە و لە هیچ ناوچەیەکی گەرمیان پلەکانی گەرما نەگەیشتووە بە 50 پلەی سیلیزی، لە هیچ ناوچەیەکیش پلەکانی گەرما بۆ ئاستی مەترسیدار بەرز نەبووەتەوە و لەچاو ساڵانی پێشتر باشە، کەواتە هاوینێکی ئاسایە تەمەن کورتیشە”.
