زاری كرمانجی -سۆران:
بڕیاربوو ئەمڕۆ یەك شەممە 23-7-2023 شاندێكی حكوومەتی هەرێمی كوردستان سەردانی بەغدا بكات و لەگەڵ بەرپرسانی حكومەتی عێراق، لەبارەی بودجە و مووچە، درێژە بە كۆبوونەوەكانیان بدەن ، بەڵام سەردانەكە بۆ سبەی دووشەممە دواخراوە.
بە ئەگەری زۆرەوە حكوومەتی هەرێمی كوردستان و حكوومەتی عێراق لەسەر پرسی بودجە و مووچە رێكدەكەون.
دوێنێ شەممە پێشەوا هەورامی، وتەبێژی حكوومەتی هەرێمی كوردستان، رایگەیاند: سبەی یەك شەممە، شاندێكی حكوومەتی هەرێمی كوردستان بە مەبەستی تەواوكردنی ئەو رێكارە تەكنیكیانەی لە نێوان حكوومەتی هەرێم و حكوومەتی فیدراڵ دا ماون لەسەر بەشە بودجەی هەرێمی كوردستان و بەتایبەتی ناردنی مووچە سەردانی بەغدا دەكاتەوە.
جێی ئاماژەیە هەفتەی رابردووش شاندی حكومەتی هەرێمی كوردستان، بە سەرۆكایەتی ئومێد سەباح سەرۆكی دیوانی ئەنجومەنی وەزیران، بۆ هەمان مەبەست سەردانی بەغدای كرد و لەگەڵ بەرپرسانی حكوومەتی عێراق ژماریەك كۆبوونەوە و دیداریان ئەنجامدا.
