پەیامێک لە سەرۆکی هەرێمی کوردستانەوە

‎یادی یه‌كی موحه‌ڕڕه‌م و سه‌ری ساڵی تازه‌ی كۆچی به‌ گه‌رمی له‌ ته‌واوی خوشك و برایانی موسڵمان له‌ كوردستان، عێراق و جیهان پیرۆز ده‌كه‌م، هیوادارم ساڵی تازه‌ خێر و خۆشی و ئاسووده‌یی بۆ ته‌واوی مرۆڤایه‌تی له‌گه‌ڵ خۆیدا بهێنێت و بۆ هه‌مووان ساڵی سه‌ركه‌وتن و كامه‌رانی بێت.
‎له‌م یاده‌ پیرۆزه‌دا جه‌خت له‌ پاراستن و قووڵكردنه‌وه‌ی كولتووری پێكه‌وه‌ژیانی ئاشتییانه‌ و یه‌كترقبووڵكردن و لێبورده‌یی له‌نێوان ته‌واوی پێكهاته‌ ئایینی و نه‌ته‌وه‌ییه‌كانی كوردستاندا ده‌كه‌ینه‌وه‌ و هه‌موومان له‌پێناو ئێستا و داهاتوویه‌كی باشتردا بۆ گه‌ل و وه‌ڵاته‌كه‌مان، پێكه‌وه‌ كار ده‌كه‌ین.
‎سه‌ری ساڵی تازه‌ی كۆچی له‌ هه‌مووان پیرۆز بێت، هه‌موو ساڵێك به‌ خۆشی.
‎نێچیرڤان بارزانی
‎سه‌رۆكی هه‌رێمی كوردستان
‎1ی موحه‌ڕڕه‌می 1445
19/7/2023