زاری كرمانجی- سۆران:
د. لانە هیدایەت، پسپۆڕی نەخۆشییەكانی ئافرەتان و منداڵبوون، دەڵێت”سوڕی مانگانە حاڵەتێكی ئاسایی هەموو ئافرەتێكە دوای قۆناغی باڵغ بوونەوە، ئەم حاڵەتەش لە زۆرێك ئافرەتاندا چەند نیشانەیەك لەگەڵ خۆی دەهێنێت وەك دڵ تێكچوون، ماندوویەتی، سكچوون و سەرئێشە، لە بەشێكی ئافرەتاندا ئازارەكەی بەجۆرێك بەهێزە تەنانەت خواردنی ئازارشكێنی ئاسایش ئازاریان ناشكێنێت و بۆیە لە هەندێك حاڵەتدا ناچار پەنا دەبرێتە بەر ئازارشكێنە بەهێزەكان .
ئەم پزیشكە چەند رێنماییەك ئاراستەی خانمان دەكات و دەشڵێت” خانمان دەتوانن حەب و دەرزی ئازارشكێن بەكاربهێنن بۆ كەمكردنەوەی ئازار، بەڵام لە ژێر چاودێری پزیشكدا، خانمان ئاگادار دەكاتەوە كە بۆ كەمكردنەوەی ئازاری توندی سوڕی مانگانە پێویستە ئەم رێنماییانە جێبەجێ بكەن:
-دانانی جەوەنەی پڕ ئاوی گەرم لەسەر ناوچەی سك، حەوز و خۆ شۆردن بە ئاوی گەرم .
-پەیڕەوكردنی وەرزشێكی ئاسان، بەپێی ڕۆیشتن و یۆگا كاریگەری ئەرێنی دەبێت .
-شێلانی بەشی خوارەوەی پشت و سك .
-دووركەوتنەوە لە كێشانی جگەرە و نێرگیلە.
