شەهلا رەشید- سۆران
د. كامەران مەلا محەمەد، بەڕێوەبەری گشتی تەندروستی سۆران، لە دیدارێكی زاری كرمانجی رایگەیاند” سەنتەری دەم و ددان لە ساڵی 2022 بە فەرمی كرایەوە، بەڵام ئەو كات بەڕێوەبەرایەتی گشتی تەندروستی سۆران نەبوو، هەروەها بوددجەشمان نەبوو بۆ پێداویستییەكانی دەرمان و پزیشكی، پاش كردنەوەی ئەم بەشە بەڕێوەبەرایەتی گشتی تەندروستی سۆران دامەزرا.
گووتیشی” خوازیاربووین كردنەوەی ئەم سەنتەرە ئەمساڵ بووایە زۆر باشتر دەبوو، لە ئێستاشدا بە فەرمی لەژێر دەسەڵاتی بەڕێوەبەرایەتی گشتی تەندروستی سۆراندایە، دەرخستەی تازەمان كردووە بۆ ئەم سەنتەرە و لە میلاكی پزیشكی پسپۆڕی كێشەمان نییە، تەنها كێشەی مەوادمان هەیە چونكە لە مانگی 6 بوددجەمان بۆ دیاریكراوە، بۆ پێداویستی دەرمان و پزیشك، لە ماوەیەكی نزیكدا هەموو مەوادەكان بۆ سەنتەری دەم و ددان دابین دەكرێن و دەكەوێتە خزمەت هاووڵاتییان.
