بەهای زێڕ رووی لە بەرزبوونەوە كرد

پشتیوان کەریم- سۆران:

سەرۆکی ئەنجوومەنی زێڕنگرانی قەزای ناوەندی سۆران بەزاری کرمانجی راگەیاند:” ئەمڕۆ لەگەڵ کردنەوەی بازاڕی ئۆنسە بەهای زێڕ لە بازاڕی زێڕنگرانی سۆران رووی لە بەرزبوونەوەی کردوە، بۆ هەر مسقاڵێک بڕی هەشت هەزار دینار بەرز بۆتەوە، هەروەها هەر ئۆنسەیەک زێڕیش بە 1962 دۆلاری ئەمریکی مامەڵەی پێوەدەکرێت.

سەرباز باڵەکی، سەرۆکی ئەنجوومەنی زێڕنگرانی قەزای ناوەندی سۆران ئەوەشی خستەڕوو:” سەرجەم مسقاڵەکانی زێڕیش بەم شێوەیەن کە نرخی یەک مسقاڵ زێڕی عەیار 24بە 478 هەزار دینارە، نرخی یەک مسقاڵ زێڕی عەیار 22 بە 338 هەزار دینارە، هەروەها نرخی یەک مسقاڵ زێڕی عەیار 21 بە 418 هەزار دینار, یەک مسقاڵ زێڕی عەیار 18 بە 358 هەزار دینار مامەڵەی پێوە دەکرێت .”