پشتیوان كەریم – زاری كرمانجی :
نەوت فرۆشێكی سەنتەری قەزای ناوەندی سۆران، لە بارەی نرخی نەوتی سپی ماڵان بۆ زاری كرمانجی دەڵێت:” ماوەی یەک هەفتەیە بۆ هەر بەرمیلێک نەوت بڕی دە هەزار دینار رووی لەدابەزین کردووە .
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بەسڕە لە 150 هەزار دینارە، هەروەها نرخی یەك بەرمیل نەوتی موسڵ، بازیان و ناوخۆ بە 140 هەزار دینار دەفرۆشرێت، هاوكات نرخی یەك لیتر نەوتیش بە 700 دینار دەفرۆشرێت لە بازاڕەكاندا.
مەغدید ئۆمەراوەی، باس لە هۆكارەكانی دابەزینی نرخی نەوت دەكات و دەڵێ:” هۆكاری دابەزینی نرخی نەوت لە بازاڕدا بۆ ئەوە دەگەڕێتەوە كە حكوومەتی هەرێمی كوردستان كار ئاسانی زۆریكردووە و نەوتێكی زۆری کردووە بۆ هەرێمی كوردستان، لەئەگەری هاوردەکرنی زیاتری نەوتیش بۆ هەرێم پێشبینی دەكرێت نرخەكەی زیاتر روو لە دابەزین بكات.
