رێبوار حەمەلاوشوانی
كەسانێك دوور لە هەڵوەستە و خوێندنەوە مێژووییەكان ویانیش بە دڵ و ڕقێكی پڕ لەكینە وەك بینیوومانە و بیستوومانەو خوێندوومانەگوایە دەڵێن كە گوایە نەتەوەیی كورد بێ خاوەن و رابەر و سەركردەیە هەر ئەوەش هۆكاربووە كە تا بە ئەمڕۆ نەبۆتە خاوەن سەربەخۆیی و دەوڵەتی خۆی و لە ژێر هەرەشەی دووژمنان و داگیركەران ماوەتەوە .
بە پێچەوانەوە گەلی كورد وەك نەتەوەیەكی ڕەسەن هەر لەوكاتەوەی كە هەستی بە ستەمكاری كرد و خاك و نیشتمانی لەت لەت وژێر دەستكرا دەستی بە خەبات و تێكۆشان و ڕاپەرینی گەورە كرد، ناتوانین ڕۆڵ و ناوی ئەو سەركردە و رابەرە مێژوویی تێكۆشانانە نادیدە بگرێت و لە خۆمانەوە بڵێن یانیش بە هەر مەبەستێت بێت ناویان نەهێنرێت هەر لە شێخ سەعیدی پیران تا شێخ عەبدولسەلام بارزانی ،قازی محەمەد شێخ مەحموود و شێخ رەزای دێرسیم و مستەفا بارزانی كە مێژووی پڕشانازی و ڕەتكردنەوەی ژێر دەستی و وانەی رزگاریخوازی و ئازادیخوازییان لە لاپەرەكانی خەبات وبەرخودانی نەتەوەیەك تۆماڕ كرد و بۆ هەتا هەتا بە درەوشاویی دەمێنێتەوە ، چونكە ئەو شۆڕشگێر و سەركردانە قۆناغ بە قۆناغ ئەرك و بەرپرسیاریەتی خەباتی نەتەوە و نیشتیمانەكەیان بە ئەستۆ گرتووە و بە پێی هەلومەرج و قۆناغ بە قۆناغ دەستكەوت و سەروەری گەورەیان بۆ كورد وكوردستا ن تۆماركردووە و لەگەڵ هەموو ئەو كۆس و پیلانگێری و خیانەتی دەرەكی و نێوخۆییانەی كە ڕووبەروویان بووەتەوە بۆ خامۆش كردن و كاڵكردنەوەی سەركەوتنه مێژووییانە .
نابێت ئەوەش فەرامۆش بكەین كە زۆرجاران خیانەت وپیلانگێرییەكان بە شێوەیەك گەورە بوونە كە نەك هەوڵی لەناوبردنی كاروانی كوردایەتی دراوە بەڵكو هەوڵی ڕیشەكێشكردن و سرینەوەی هەموو دەستكەوت و مێژووییە پڕشانازییە سەروەرییەكانیش دراوە پیلانگێری كۆماری كوردستان لە شاری مەهاباد و ئینجا گەلەكۆمەكی و پیلانگێری ناوچەیی و نێوەدەوڵەتی بەرامبەر بەرگەورەترین شۆڕشی كورد ئەوەیش شۆڕشی مەزنی ئەیلوول و بەرچاوەترین پیلانگێری و نموونەی مێژوو سەردەم ئەو خیانەت و پیلانگێرییە بوو كە بە پاساویی ریفراندۆمی سەربەخۆیی 25ی ئەیلوولی 2017 بوو لە هەرێمی كوردستان كە لە سەر دەستی پێشمەرگە،رابەری نەتەوەیی كورد بە سەركەوتوویی ئەنجام درا كە دوای ماوەیەكی كورت و لە رۆژی 16ی ئۆكتۆبەر بوو كە بەمەبەست كۆتایی هێنابوو بە گشت دەستكەوت و سەروەری و مێژوو و میراتی گرابەهایی شۆڕش و راپەرینەكانی گەلی كورد كە ئەوەیش لە نێودڵی قەوارەی هەرێمی كوردستان و لایەن سەرۆك بارزانییەوە پارێزراوە و بەرگری لێدەكات .
گەلی كورد وەك هەموو نەتەوەكانی تری ناوچەكە هەردەم بە دوای ئاشتی و سەقامگیری و پێكەوەژیان بووە ، هەر دەم هەوڵی داوە خاوەن سەروەری و ئیدارەدانی خۆی بێت و گەلەی بەختەوەرو سەربڵند و ئازادی بۆ مسۆگەر بكات ،چەندین ساڵیشە خۆی لەگەڵ دەسەڵاتدارانی عێراق تاقیكردەوە چەندین جار بەڵێنیان دا و پاشگەزبوونەوە و هەرجاریش كە بەهێز و خاوەن چەك بوون ئەو بە دڕندانەترین شێوە هەوڵی قڕكردن و ڕیشەكێشكردنی كوردیان داوە هەر ئەوەش بوو كە سەرۆك بارزانی بەرامبەر هەموو ئەو ستەمكاری و بێ بەڵێنیانەی دەسەڵاتدارانی عێراق ئەو بریارە مێژووییە دا و سەركەوتنی مێژوویی لە دیرۆكی كورد وكوردستان تۆماركرد و دووژمنان كۆسپ و پەڵاماری كوردیان دا بەڵام ویست و خواستی گەلی كورد بووە تاپۆوبەڵگەنامەیەكی گرنگ كە ئەمڕۆ یا سبەی بەرهەمەكەی دەچنینەوە .
مێژوویی سێ دەیەی رابردووی هەوڵ و تێكۆشان و رابەرایەتی بارزانی ، گشت تواناكانی لە پێناو بەهێزكردنی پایە و ستوونەكانی قەوارەی هەرێمی كوردستان ، تەبایی و یەكهەڵوێستی هێزولایەنە كوردستانییەكان و ئاشتی كۆمەڵایەتیی و پێكەوە ژیان و پێشكەوتنی كەلتوور وپەروەردە و زمان و ئاوەدانی و گەشەسەندنی وڵات بوو بەرەو مافی دەوڵەتبوون و سەربەخۆیی ، لەگەڵ هەموو ئەو پیلانگێری دەرەكی و نێوخۆییانەی كە بەرۆكی گرت وبەڵام هەرگیز ڕێگەی نەدا جارێكی تر شكۆوئیرادەی گەلەكەی ژێر دەست وپاشكۆ بكرێت .
مەرام وپیلانی دوژمنانیش هەر بۆ ئەو بوو تا سەرۆك بارزانی و ستراتیژی لە جیاتی ئەوەی كە بۆ ئامانجە گەورە و مافەرەواكان بێت ئەوا بە هەندێك كەس ولایەنەوە و ئینجا ناكۆكی و قەیرانی بێ بنەما و دەستكرد سەرقاڵ بكرێت و ئەرك وبەرپرسیاریەتییەكانی جەنابیان بەلارێدا ببرێت و بەڵام سەرۆك بارزانی بە خوێندنەوەی وردبینانەی بۆ هەموو رووداو و پێشهاتەكانی نێوخۆ و دەروەی و ئینجا بەشداریكردن لە كۆربەند و بانگهێشتە فەرمییەكان و كۆبوونەوەی فەرمییەكان لەگەڵ سەركردە و باڵیۆزی وڵاتان و ئینجا ئامادە بوون لە سەنگەرەكانی پێشەوەی بەرگریكردن لە نەتەوە و نیشتیمان و داكۆكیكردن و ڕژدبوونیان لە سەر بەدەستهێنانی مافەرەواكان و ئامانجەگەورەكە رۆحی نەتەوەپەوەری و نیشتمانپەوەری پێشمەرگە و ڕابەرێكی نەتەوەیی و كاریزمایی مێژوویی ، سەركردەیەك لەناو مێژووی نەتەوەیی پارچەكانی دیكەی كوردستانەوە گێڕانەوەی جیاواز دەربارەی دەوترێت، لە هەر چوار پارچەی كوردستان. لەمێژووی زیاتر لە نیوسەدە، كەم قۆناغ هەیە بە ناوهێنانی لەناو مێژووەكەیدا نەبێت، بارزانی نەك تەنها لەم ناوچەیە بەڵكو لە جیهان؛ لای كەسایەتی و، سیاسی وئاكادیمیایی نێوەدەوڵەتی خاوەن كەسایەتییەكی بەهێز ودڵسۆزە بۆ كوردوكوردستان.رابەرایەتی سەرۆك بارزانیی تەنیا لە پێناو كورد وماف و سەربەخۆیی ، هەر ئەوەشە كە پێشمەرگەبوون ، گەورەترین شانازیی و شكۆمەندییە و هەر ئەوەشە كە لاپەرەكانی مێژوویی كوردوكوردستانی تۆماڕكردووە و لەگەڵ دروستكردنی دەیان مێژوویی سەربڵندی و سەرفرازی..
