زاری کرمانجی – تەکنەلۆژیا
زانایان لە ئەمریکا دەڵێن بۆ یەکەمجار توانیویانە ئەو شەپۆلە لاوازانە ببیستن کە بەهۆی جوڵەی تەنە ئاسمانییەکانەوە دروست دەبن کە لە سەرانسەری گەردووندا دەبیسترێن.
ئەلبێرت ئەنیشتاین، زانای فیزیایی، نزیکەی سەدەیەک لەمەوبەر لە تیۆرییەکەیدا پێشبینی کردبوو کە کاتێک تەنە زۆر قورسەکان لە فراوانی بۆشایی ئاسماندا بەریەکدەکەون، شەپۆل بەرهەم دەهێنن کە بە ئاراستەی جیاواز لە بۆشایی ئاسماندا بڵاودەبنەوە.
ئەم شەپۆلە فرێکوێنسییە نزمانە کە لە ئەنجامی کارلێکەکانن لە پێکهاتەی گەردووندا، هەندێک جار بە “مۆسیقای باکگراوندی گەردوون” ناودەبرێن. ئێستا زانایان دەڵێن توانیویانە گوێ لەم دەنگانە بگرن.
ماورا مەکلۆفلین لە ڕوانگەی نانۆهێرتزی ئەمریکای باکوور بۆ شەپۆلەکانی کێشکردن دەڵێت: “بەڕاستی ئەمە یەکەمجارە بەڵگەمان لەسەر ئەم جووڵە گشتگیرە گەورەیە هەبێت”.
