زاری کرمانجی – سۆران :
بەرەبەیانی ئەمڕۆ چوارشهممه 21 ی حوزەیرانی 2023، دووەم حاجی کورد لە شاری مەککە کۆچى دوایی کرد.
بەپێی ڕاگەیاندراوی وەزارەتی ئەوقاف و کاروباری ئایینی هەرێمی کوردستان، هاونیشتمانی (ئەختەر ئەحمەد) ی تەمەن 68 ساڵ کە خەڵکی هەڵەبجەی تازەیە، بە هۆی جەڵتەی مێشکەوە بهرهبهيانى ئهمرۆ گیانی لە دەست داوە.
لە ڕاگەیاندراوەکە ئەوەش هاتووە : “لیژنە کارگێڕییەکانی بەڕێوەبەرایەتی گشتی حەج و عومڕە، سەرقاڵی تەواوکردنی ڕێکارەکانن، بە ڕەزامەندی کەس و کاری کۆچکردوو دوایی نوێژ لە سەرکردنی لە شاری مەککە بە خاک دەسپێررێت.”
هاوکات ڕۆژی پێشتر 20 ی حوزەیران 2023 هاونیشتمانییەکی تر بە ناوی (ڕەحیمە قادر) ی تەمەن 66 ساڵی دانیشتووی ئیدارەی سەربەخۆی ڕاپەڕین بە هۆی نەخۆشی دڵەوە لە مەککە کۆچی دوایی کرد.
