زاری کرمانجی – تەکنەلۆژیا
ڕاپۆرتی کۆمپانیای چالنجەر گرێی و کریسمس بۆ دامەزراندنی کار دەریدەخات لە مانگی ئایاردا نزیکەی ٨٠ هەزار کەس کارەکانیان لەدەستداوە و هۆکاری بێکاری نزیکەی نیوەی ئەوانیش زیرەکی دەستکرد بووە. نیوەکەی تریش بەهۆی هۆکارەکانی وەک دۆخی ئابووری و بازاڕ، کەمکردنەوەی تێچوون و داڕشتنەوەی دووبارە و چەسپاندنەوە تووشی بێکاری بوون.
هەروەها لەم ڕاپۆرتەدا باس لە ئاماری بێکاربوونی خەڵک کراوە لە سەرەتای ساڵەوە. ئەم ژمارەیە لە پێنج مانگی یەکەمی ساڵدا دەگاتە 417 هەزار و 500 کەس، ئەمەش خراپترین دەستپێکی ساڵە بە بەراورد بە پەتای کۆرۆنا. هەروەها بەبێ لەبەرچاوگرتنی پەتای کۆرۆنا لە ساڵی 2009ەوە کە ساڵی بە دەرکردنی 820 هەزار فەرمانبەر دەستی پێکرد، ئەمساڵ خراپترین دەستپێکمان هەبووە.
بەگوێرەی ڕاگەیاندنی کۆمپانیاکە بۆ ئینسایدەر، ئەمە یەکەمجارە کە زیرەکی دەستکرد ئەم ژمارەیە لە کارمەندانی بێکار بکات. هەروەها گەورەترین کاریگەری زیرەکی دەستکرد لەسەر کەرتی تەکنەلۆجیایە و کۆمپانیاکانی تەکنەلۆجیای وەک گووگڵ و ئەدۆب و ئەمازۆن و هتد بەهۆی پێشکەوتنی زیرەکی دەستکرد وەکو ChatGPT هێزی کارەکانیان لە کارەکانیان دوورخستووەتەوە. ئەم کۆمپانیایە پرۆسەی دامەزراندنی ئێستای بە بەردەوامی زانی و ڕایگەیاند کە ئەم دەرکردنانە بەردەوام دەبن. لە ئێستادا گەورەترین نیگەرانی فەرمانبەران سەبارەت بە زیرەکی دەستکرد ئەمەیە.
