تایبەت بە زاری كرمانجی:
بەڕێوەبەری گشتی كارەبای سۆران، ئاشكرای دەكات، دووای هێنانە كایەی بەڕێوەبەرایەتی گشتی كارەبا لە سۆران، لە پلانی وەزارەتی كارەبادایە، بە مەبەستی ئاسانكاری بۆ دانیشتوانانی قەزاكانی سنوورەكەمان، فەرمانگەكانی كارەبا ناونیشانیان دەگۆڕدرێت و دەكرێنە بەڕێوەبەرایەتی، كە هەریەك لە قەزاكانی مێرگەسۆر، رواندز، چۆمان، سیدەكان دەگرێتەوە.
ئەندازیار ئەردەوان ئیبڕاهیم، بەڕێوەبەری گشتی كارەبای سۆران، ئاماژەشی بەوەدا: هەیكەلی كارگێڕی بەڕێوەبەرایەتییمان دەگۆڕێت و پۆستەكانیش گۆڕانكاریان تێدا دەكرێت، لەقەزاو ناحیەكانیش دەبێ خەڵكی پسپۆڕ و شارەزا وەك بەرپرس و بەڕێوەبەر لە فەرمانگە و بەڕێوەبەرایەتییەكانی كارەبا دابندرێن.
لە بارەی پرسی زێدەڕۆی، ئەو بەڕێوەبەری كارەبا دەڵێت: لە لایەن هاووڵاتییانەوە زێدەڕۆی زۆر كراوەتە سەر تۆڕەكانی كارەبای نیشتیمانی، لەمدووایانەدا بەهۆی بەستنی پێوەری زیرەك تاڕادەیەك كەمبۆتەوە، ئەوانەی كە زێدەڕۆیشیان كردۆتە سەر كارەبا، تیمەكانمان چاودێری دەكەن و دەگەڕێن، لە ئەگەری هەبوونی زێدەڕۆی رووبەڕووی سزای یاسایی و دارایی دەكرێنەوە و كارەباشیان دەبڕدرێت.
گووتیشی: لیژنەیەكمان پێكهێناوە بۆ دیاری كردنی رێژەی زێدەڕۆییەكە، دووای بڕینی كارەبا، بۆ پێدانەوەی كارەبا دەبێت سەردانی بەشی فرشتنی ووزە بكات تا زێدەریەكەی بۆ دیاری دەكرێت و سزای خۆی دەدات، ئەوكات كارەبای پێدەدرێتەوە”.
