جەبار عەبدولڵا مهاجیر
ساڵی ۱۹٦۲ دەسپێكی خەباتی پێشمەرگایەتی سەرۆك بارزانی بوو، شانبەشانی بارزانی نەمر و ئیدریسی هەمیشە لەیاد چەكی شەڕەفی هەڵگرتوو ژیانی خۆی فیدای گەل و نشتیمان كرد.
هەر لەتەمەنی لاوێتی خۆی خولیای خاك و ئازادی هەبووە، ئارەزووی ئەمە بوو كە بتوانێت درێژە بەخەباتی ماڵباتەكەی بدات و بەردەوام بێت تاكو بتوانێت ئاسۆیێكی گەش بۆ گەلەكەی بونیات بنێت. هەر لەو كاتە بەشداریێكی كارای هەبووە لەڕیزەكانی پێشمەرگە و دەستێكی پۆڵاینی هەبووە لەسەركەوتنەكانی پێشمەرگە.
هەموو كات پلانەكانی دژی دوژمنان سەركەوتوو بووە، بۆیە بووە هۆكارێك بۆ ورەبەرزی پێشمەرگەكان و ترسێكی زۆری خستە دڵی دوژمنان.
توانا و لێهاتوویی سەرۆك بارزانی لەڕادەبەدەر بووە، ئەو تەكتیكەی هەیبووە لە شەڕەكان دوژمنانی بێ هیوا و سەرسام كردبوو، هیچ كات بێ هیوا نەبووە بۆ ڕزگاری كوردستان، خۆی پێشەوایەتی شەڕەكانی كردووە، لەهەموو جەنگەكان داستانێكی تۆمار دەكرد، ئەمەش بووە هۆكارێك كە كورد ڕژتربێت بۆ بەدەستهێنانی مافەكانی. لەگەڵ تێپەڕبوونی كات ڕیزەكانی پێشمەرگە زیاتر دەبوو، بیری نشتیمانی و نەتەوەیی لەناو كۆمەڵگای كوردیدا زیاتر پەرەی دەسەندو و ئامادەبوون لەپێناو ئازادی گیانی خۆیان فیدابكەن و ڕزگاربن لەژێر چەپۆكی دوژمنان. سەرۆك بارزانی هاوكارو و پشتیوان بووە بۆ لێقەوماوان، لەهەر كوێیكی جیهان كورد غەدری لێكرابا بارزانی پەیامی هاوخەمی خۆی هەبووە و بەچەند وەتەیەك دوژمنانی شەرمەزار دەكردو و جیهانی بەئاگادەهێنایەوە، یەكێك بوو لەو سەركردانەی كە هەوڵی دروستكردنی چەند گروپێكی دا بۆ درێژەدان بەخەبات لەنێو شارەكان بۆئاگاداركردنەوەی ڕۆڵەی كورد دژی ئەو ڕژێمەی كەگەلی كوردیان دەچەوساندەوە.
ڕۆڵ و كاریگەریەكانی سەرۆك بارزانی لەناو هێزەكانی پێشمەرگە بەروونی دیاربوو، ئەوەی بەلای منەوە زۆر گرنگ و جێگای سەرسوڕمانە ئیستاش هەر جەنابیان خۆی بەپێشمەرگە دەزانێت و ڕۆژێك لەڕۆژان خۆی وادەرنەخست كەسەرۆكی هەرێمی كوردستانە یاخود سەرۆكی حزبی پارتیە. بەرهەمی پێشمەرگایەتی سەرۆك بارزانی هەرێمێكی سەربەخۆی دروستكرد و ئەو ڕژێمەی كەچەندان ساڵ گەلی كوردی كیمیاباران و ئەنفال كرد ئیتر بوونی نەما، ڕایان كردو و كوردستانیان ڕادەستی بارزانی كردو، ئەویش بەئیرادەیێكی بەهێز توانی ئازادی، هێمنی و ئاسایش بۆ گەلەكەی دابین بكات.
بۆئێمە سەرۆك بارزانی مەرجەعی كوردانە، ئەو هەر بڕیارێك بدات پێویستە بەشانازیەوە خۆمان ئامادەبكەین و لەپێناویدا ببینە قوربانی. هەروەها پێویستە نەوەكان وشیاربكەینەوە لە خەباتی ئەو سەركردەیە تاكو بتوانن هاوشێوەی ئەو خۆیان بڕیاربدەن و بةرطرى لە خاك و نشتیمانەكەیان بكەن و كۆڵنەدەربن و زوو بێ هیوا نەبن.
