زیاتر لە هەشت هەزار كرێكار لە ئیدارەی سۆران تۆمار كراون

زاری كرمانجی-سۆران:
بەڕێوەبەری دەستەبەری كار و كاروباری كۆمەڵایەتیی كرێكارانی ئیدارەی سۆران، دەڵێت، ناوی نزیكەی هەشت هەزار كرێكار لایان تۆمار كراوە و لەوانە نزیكەی هەزار كەسیان كرێكاری بیانی بن بۆ كاركردن روویان لە سنوورەكە كردبێت.
هەژار یونس، بەڕێوەبەری دەستەبەری كار و كاروباری كۆمەڵایەتیی كرێكارانی ئیدارەی سەربەخۆی سۆران، بە زاری كرمانجی گووت “لە سنووری ئیدارەی سۆران، ناوی نزیكەی هەشت هەزار كرێكاری ناوخۆیی و بیانی لەلامان تۆمار كراون، لەوانە نزیكەی هەزار كەسیان كرێكاری بیانی بن، كە لە خواردنگە و بازاڕ و دوكان و فرۆشگا و ئاریشگاو شوێنە گشتییەكان كاردەكەن”.
دەشڵێت: ” ئەو كرێكارانەی ناوەكانیان لای ئێمە تۆمار كراوە، لە ئەگەری هەر كێشە و گرفتێكیان بە هاوكاری لایەنە پەیوەندیدارەكان بەدواداچوونیان بۆ دەكەین و مافەكانیان لای ئێمە پارێزراوە”.