شایستەی وانەبێژانی ئیدارەی سۆران دابەش دەكرێت

پشتیوان كەریم- زاری كرمانجی :

بەڕێوەبەری پەروەردەی قەزای ناوەندی سۆران بە زاری كرمانجی راگەیاند: “لیستی سەرجەم وانەبێژانی سنووری پەروەردەمان ئاراستەی گەنجینەی سۆران كردووە بۆ خەرجكردنی شایستەی مانگی چواری ئەمساڵ.”
لای خۆیەوە، مامۆستا عەزیز سەعید دەشڵێ:”بەدەر لە ئامادەكردنی لیستی مانگی چواری وانەبێژانی سنووری بەڕێوەبەرایەتیمان، مانگی پێنجیش ئامادەكراوەو بەڵام لەسەر یەك خەرج ناكرێت .”
لای خۆیەوە بەڕێوەبەری گەنجینەی سۆران لەم بارەیەوە دەڵێ:”لە ئێستادا كار لەسەر لیستی وانەبێژانی ئەو پەروەردانە دەكەین كە لیستیان ئامادەكردوە، لەم چەند رۆژی داهاتوو پارەیان بۆ خەرج دەكرێت”.
سیامەند دەرگەڵەیی دەشڵێت: “هەر كاتێك لیستی وانەبێژان بۆ ئێمە بنێردرێت، راستەوخۆ كار لەسەر دەكەین و هیچ گرفتێكیش لە خەرجكردنی شایستەی وانەبێژاندا نییە.”