سەردار قازی ـ سۆران:
یانەی سۆران سێیەمین گرێبەستی لەم وەرزە راگەیاند و یاریزانێکی پێشووی خولی نایابی عێراقی گواستەوە ریزەکانی یانەکە.
یانەی سۆران بۆ بەهێزكردنی هێڵی ناوەراستی یانەکە بە شێوەیەكی فەرمی گرێبەستی لەگەل یاریزانی بەرەگەز عەرەب موئمەل كەریم خاچی ـی تەمەن بیست و دوو ساڵ واژوو كرد.
موئمەل خاچی، بۆ ماوەی سێ وەرز لەریزی یانەی شورتە یاریی كردووە، هەروها ساڵی ۲٠۱۹ لە یانەی حدود بووە لەهەمانساڵدا لەریزی هەڵبژاردەی لاوانی عێراق یاریی كردووە.
خاچی، وەرزی رابردوو لە یانەی ناسریە بووە و ئەم وەرزەش درێسی سۆران دەپۆشێت.
