ئەو بووكەی لە كۆیە هەڵات لە سۆران دەستگیر كرا

دوای ئەوەی لە چەند ڕۆژی ڕابردوو ئافرەتێك بە ناوی( ح.ك.م) كە دانیشتووی قەزای (كۆیە) لە ڕۆژی مارە بڕینی هاوسەرگیریدا خۆی وون كرد و ڕایكرد، دەست بەجێ دەستگیرانەكەی لە نووسینگەی بەرەنگاربوونەوەی تووند وتیژی دژی ئافرەتان و خێزانی كۆیە سكاڵای تۆماركرد لە سەر ونبوونی دەستگیرانەكەی.
بەرپرسی ڕاگەیاندن و پەیوەندییەكانی بەرێوەبەرایەتی بەرەنگار بوونەوەی توندوتیژی دژی خێزان لە سۆران، رایگەیاند ” بەپێی زانیاری و بەدواداچوونەكانی بەڕێوەبەرایەتیمان دەركەوت ئەم ئافرەتە هەڵاتووە بۆ شاری سۆران، دەستبەجێ دوای پشتڕاستكردنەوەی زانیارییەكە مەفرەزەیەكی تایبەتی بەڕێوەبەرایەتیمان بە سەرپەرشتی ڕاستەوخۆی مەقەدەم ( بژار مستەفا سلێمان ) بەرێوەبەری نووسینگە و بە هاوبەشی لەگەڵ بەڕێوەبەرایەتی ئاسایشی ناو شاری سۆران، تواندرا لە كەمترین كاتدا ئافرەتی هەڵاتووە دەستگیر بكەن.”.
زیاتر روونیكردەوە ” بە بڕیاری بەڕێز دادوەری لێكۆڵینەوەی سۆران ناوبراو داواكرا بوو لە لایەن بەڕێوەبەرایەتی بەرەنگاربوونەوەی تووند وتیژی دژی ئافرەتان و خێزانی هەولێر – نوسینگەی كۆیە بۆیە ڕادەستی نوسینگەكە دەكرێت، كە فەرمانی دەستگیر كردنی هەبوو بە پێی مادەی ٤٤٦”.