له‌باره‌ی ده‌ستپێشخه‌رییه‌كه‌ی سه‌رۆك مه‌سعود بارزانی، بۆ چاره‌سه‌ری كێشه‌كان و یه‌كڕیزی لایه‌نه سیاسییه‌كانی هه‌رێمی كوردستان، عه‌بدولقادر بازرگان، سه‌رۆكی پارتی چاكسازی توركمان، په‌یامی بڵاو كرده‌وه و تێیدا پشتگیری ته‌واوی خۆی و پارته‌كه‌ی بۆ ده‌ستپێشخه‌رییه‌كه‌ی سه‌رۆك بارزانی ده‌خاته روو، له په‌یامه‌كه‌دا هاتووه: “سەرۆک مسعود بارزانی، لە مەراسیمی کردنەوەی یادگەی نیشتیمانی بارزانیدا پەیامێکی گرنگی لەمەڕ دۆخی ناوخۆی هەرێمی کوردستان خستەڕوو، وەک پارتی چاکسازی تورکمان پشتگیری تەواوی پەیامەکەی جەنابی سەرۆک بارزانی دەکەین، پەیامێکە لە روانگەی هەستی بەرزی نەتەوەیی و نیشتیمانی و چارەسەرکردنی ئەو دۆخەی ئێستای نێوان حزب و لایەنە سیاسیەکانی هەرێمی کوردستان خراوەتەروو.”
سه‌رۆكی پارتی چاكسازی توركمان، ئاماژه‌ی به‌وه‌ش كردووه، “شاڕێگەی ئاشتی و یەکتر قەبووڵکردن و تێپەراندنی ئەو دۆخە و بەهێزکردنی پێکەوەژیانی نێوان پێکهاتە جیاوازەکانە، گرنگە سەرجەم لایەنەکان لەم دۆخە هەستیارەی ئێستای هەرێمی کوردستان تێبگەن و بەرەو پیری پەیامەکەی سەرۆک بارزانی بچن، چونکە بەهێزیمان لە یەکگرتووییدایە و بە یەکڕیزیمان دەستکەوتەکانمان و قەوارەی هەرێمی کوردستان پارێزراو دەبێت، بۆیە پێویستە هەموو لایەنەکان واز لە کێشەکانی ناوخۆ بهێنن و بگەڕێنەوە بۆ سەر مێزی گفتوگۆ، چونکە تاکە رێگەی بەهێزیمان و سەرکەوتنمان یەکڕیزییە، هەر لەو رێگەشەوە دەتوانین سەرجەم مافەکانمان بەدەست بهێنین.”
جه‌ختیشی كردووه‌ته‌وه، “جارێکی تر پشتگیری خۆمان بۆ پەیامەکەی سەرۆک بارزانی دووپات دەکەینەوە و ئامادەی هەموو هەنگاوێکی کردارین بۆ جێ بەجێکردنی ئەو پەیامە گرنگە.”
