پشتیوان کەریم- زاری کرمانجی سۆران:
بەڕێوەبەری هاتووچۆی ئیدارەی سۆران بە زاری کرمانجی راگەیاند:” نزیکەی سەت هەزار ئۆتۆمبێلی بێ سەرەتاو بە ژمارە لە سنووری بەڕێوەبەرایەتیمان تۆماركراون.
عەقید زرار حسێن ئاماژەی بەوەشکرد:” ئەم رێژە ئۆتۆمبێلە لە سنووری ئیدارەی سۆران هەن بەپێی ئەندازەی شەقامەکان زیاترە، بەو پێییە زۆربەی شەقامەکان کۆنن و شەقامی نوێ کەم دروستکراوە.
ئاشکراشیکرد:” بەیادریکراوی 80 بۆ 90هەزار ئۆتۆمبێل تۆمار کراو هەن، لەم رێژەیە کە بەپێی دواین سەرژمێری ساڵی 2021 هەشت هەزار ئۆتۆمبێلی بێ سەرەتا لە سنوورەکەمان بەداتا تۆمارکراون”.
گووتیشی ” بەهۆی ئەو رێکارانەی لەبارەی ئۆتۆمبێلە بێ سەرەتاکان لە وەزارەتی ناوەخۆ کڕین و فرۆشتن بە ئۆتۆمبێلی بێ سەرەتا کەم بۆتەوەو رێژەکەی دابەزیووە.
