وەرزش – زاری کرمانجی:
ئێوارەی دوێنێ هەینی 16 ی 9 ی 2022، بەچاودێری لیژنەی ئۆلۆمپی هەرێمی کوردستان، بەسەرپەرشتی یەکێتی ناوەندی مەلەوانی کوردستان، لە هۆڵی داخراوی کۆلێژی پەروەردەی وەرزشی زانکۆی سەلاحەددین لەشاری هەولێر کۆتایی بەپاڵەوانێیەتی پارێزگاکانی هەرێمی کوردستان هات.
لەپاڵەوانێتییەکەدا کە پارێزگاکانی هەرێمی کوردستان لەسەر ئاستی پێشکەوتووان و لاوان بەشداربوون، هەڵبژاردەی پارێزگای هەولێر توانی لەسەر هەردوو ئاستی پێشکەوتووان و لاوان پلەی یەکەم بەدەست بهێنێت.
ئەنجام لەسەر هەر دوو ئاست لە پاڵەوانێتییەکەدا بەم شێوەیە بوو:
لەسەر ئاستی پێشکەوتووان:
1- هەڵبژاردەی پارێزگای هەولێر پلەی یەکەم.
2- هەڵبژاردەی پارێزگای کەرکووک پلەی دووەم.
3- هەڵبژاردەی پارێزگای سلێمانی پلەی سێیەم.
لەسەر ئاستی لاوان:
١- هەڵبژاردەی پارێزگای هەولێر پلەی یەکەم.
2- هەڵبژاردەی پارێزگای سلێمانی پلەی دووەم.
3- هەڵبژاردەی پارێزگای کەرکووک پلەی سێیەم.
هەر لە پاڵەوانێتییەکەدا محەممەد یاسین، لە هەڵبژاردەی پارێزگای هەولێر بە باشترین یاریزانی پاڵەوانێتییەکە هەڵبژێررا.
بەڕێوەچوونی کار و چالاکی یەکێتییە وەرزشییەکان لەژێر چاودێری لیژنەی ئۆلۆمپی هەرێمی کوردستان بەردەوامی هەیە، کابینەی نۆیەمی حکومەتی هەرێمی کوردستانیش مانگانە بڕی 80 ملیۆن دینار بۆ لیژنەی ئۆلۆمپی خەرج دەکات بەمەبەستی بەڕێوەچوونی کۆی چالاکییە وەرزشییەکانی یەکێتییە وەرزشییەکان لەسەر ئاستی هەرێمی کوردستان.
