زاری كرمانجی-سۆران:
بە فەرمانی وەزارەتی ناوەخۆی هەرێم، ئەفسەرێكی پۆلیس وەك بەرپرسی بەشی ئاراستەكردن و رابەری كردنی مەعنەوی سۆران دەست نیشانكرا.
بەپێی زانیارییەكانی زاری كرمانجی دوای دەستبەكاربوونی رەجەب زوبێر حارس، بەرپرسی پێشوی بهشی ئاراستەكردن و رابەری كردنیی مەعنەوی سۆران وەك قائیمقامی قەزای ناوەندی سۆران، لە ئێستادا بە فەرمانی وەزاڕەتی ناوەخۆ، موقەدەم بەیار محیەدین حەمەدەمین، وتەبێژی بەرێوەبەرایەتی بەرگری شارستانی سۆران، وەك بەرپرسی بەشی ئاراستەکردن و رابەری کردنی مەعنەوەی سۆران دەست نیشان كراوە.
لای خۆیەوە مقەدەم بەیار محیەدین، بۆ زاری كرمانجی هەواڵەكەی پشتڕاستكردەوەو رایگەیاند: ” ناوم بۆ بەرپرسی ئەم پۆستە دەستنیشان كراوە، بە فەرمانی وەزاڕەتی ناوەخۆ، تەنها چەند رێكارێكی ئیداری ماوەو لە چەند رۆژی داهاتوو وەك بەرپرسی بەشی ئاراستەكردن و رابەری كردنی مەعنەوی سۆران بە فەرمی دەست بەكاردەبم.
