دێسكی وەرزشی زاری كرمانجی:
ریال مەدرید لە یاریی چوونی پێشكۆتایی چامپیۆنزلیگدا، شەوی سێشەممە بەرامبەر بە مانچێستەر سیتی یاریدەكات لە نێو یاریگەی سانتیاگۆ بێرنابیۆ.
یارییەكە كاتژمێر (10:00) بە كاتی هەرێم دەستپێدەكات، هەردوولا دەیانەوێت لە خولەكی یەكەمەوە هەنگاو بەرەو یاری كۆتایی بهاوێژن.
هەردوو یانە 10 جار لە چامپیۆنزلیگ رووبەڕووی یەكتری بوونەتەوە، ریاڵ مەدرید خاوەنی چوار بردنەوەیە و لە دو یاریشدا یەكسان بوون و مانچێستەر ستیش سێ جار بەسەر ریال مەدریددا سەركەوتووە.
مانچێستەر سیتی و ریال مەدرید وەرزی رابردووی چامپیۆنزلیگ، لە هەمان قۆناخدا رووبەڕووی یەكبوونەوە و لە ئەنجامی هەردوو یاریدا، ریال مەدرید بۆ یاریی كۆتایی پەڕیەوە، بەرلەوەی نازناوی چواردەیەمی خۆی لە پاڵەوانێتییەكەدا بەدەست بهێنێت.
ریال مەدرید لە 21 یاریی رووبەڕووی تیمێك یاریی كردبێت كە گواردیۆلا راهێنەری بووبێت 5 بردنەوەی هەیە و تیمەكانی پیپ گواردیۆلا لە 12 بۆنەدا بردنەوەیان بەدەستهێناوە، لە 4 بۆنەدا یەكسانبوونە.
