سەردار قازی ـ زاری کرمانجی:
ناوەندا چاڵاکی و پێگەھاندنا نزاری سەر ب ناوەندا بالایا بارزان یا ئێکەتیا لاوێن دیموکراتا کوردستانێ هەستان ب دوماهیک ئینانا خولەکا توپا پێ یا بناڤێ (زورەگڤان) کو بو لاوێن تازە پێگەھشتی ھاتبوو ڤەکرن، دڤێ خولێ دا (٢٤)تیپێن سنورێ ناوەندێ باڵایێ بارزان و دەوروبەر پشکدار ببوون.
پشتی ململانێیەکا درێژ ھەردوو تیپێن (چیایێ پیرس و گورگێ بارزان) گەھشتنە فینالا خولێ.
د ئەنجامدا تیپا چیایێ پیرس ب لێدانێن یەکلایکەرەوە ل خاڵێ سزایێ شیا نازناڤێ خولێ ب دەست خوڤە بینیت.
ل دووماهیکێ خەڵات ب سەر ھەردوو سەرکەفتیێن خولێ دا هاتنە دابەش کرن. ب ئامادەبوونا بەرپرس و رێڤەبەر و کارگێرێن دام و دزگەھێن حزبی و حکومی و لاو و کەسایەتیێن دیارێن دەڤەرێ .
