کەمتر لە هەفتەیەك ماوە بۆ لێخۆشبوونی قەرزی ئاو

پشتیوان کەریم -سۆران:

بەڕێوەبەری ئاوی ئیدارەی سۆران، بۆ زاری کرمانجی ئاشکرای کرد:” وادەی لێخۆش بوونی ٪15ی قەرزی ئاو تا بەرواری 10ی 5ی مانگی ئایار دەبێت.

تەحسین سەعدوڵا، بەڕێوەبەری ئاوی سۆران هێمای بۆ ئەوەش کرد:” لەماوەی رابردوو بەرێژەیەکی بەرچاو هاوڵاتیان قەرزی ئاویان گەڕاندۆتەوە، سوودمەن بوون لەو بڕە لێخۆشبوونەی کەدیاریکراوە، لەئەگەری دابەشکردنی مووچەش بەسەر هاوڵاتیان ئەوا رێژەیەی زیاتری هاوڵاتیان قەرزی ئاو دەگەڕێننەوە.

ئەوەشی خستەڕوو:” لە سنووری ئیدارەی سۆران بەگشتی زیاتر لە دەملیار دینار هاوڵاتیان قەرزی ئاویان لایە، وادەی لێخۆشبوون لە ٪15ی قەرزی ئاویش کەمتر لەیەک هەفتە ماوە بۆ گەڕاندنەوەی قەرز لە هەفتەیەش ئەوا هاوڵاتیان لە ٪پازدەی قەرزەکەیان لێ خۆش دەبن .”