جەبار عەبدولڵا مهاجیر
دەسپێكی كابینەی نۆیەم و ئەو گرفتانەی رووبەڕوی كابینەكە بببونەوە جێگای سەرنج و تێڕاوانین بوون كەباسی لێوە بكەین، گرفتە گەورەكانی بەردەم ئەم كابینەیە چەند گەورەبوون، بەڵام نەبوونە بەربەستێك لەبەردەم رۆڵی سەرۆكی حكوومەت و كابینەكەی، هەبوونی گیروگرفتەكانی نێوخۆی هەر وڵاتێك هەندێ جار دەبنە هۆكاری وەستان و نەزۆك بوونی بوارەكانی ژیان بەگشتی، ئەو گیروگرفتانەی لەو كاتە بوونیان هەبوو كەزۆر ئاڵۆزو قورس بوون، وەك ڤایرۆسی كۆڕۆنا كەهەموو جیهانی خەفەتی پێوە دەخوارد، ببووە هۆكارێك بۆ دامڕكانەوە و داتەپینی ئابووری و بازرگانی سەرەڕای نەبوونی چارەسەریێكی دیاریكراو بۆ ئەو نەخۆشانەی كەدووچاری هاتبوونەوە، جگە لەمەش پاشماوەی شەڕی تیرۆرستانی داعش و كێشەكانی نێوان حكوومەتی عێراق و حكوومەتی هەرێمی كوردستان، لەسەر بڕینی شایستە داراییەكان و موچەی موچەخۆرانی هەرێمی كوردستان و هەبوونی ژمارەییەكی زۆری ئاوارەكان كەپێویستییەكانیان كەوتبوو سەر شانی حكوومەتی هەرێم، هەموو ئەمانە بەزیندووی بونیان هەبوو كەكاریگەری راستەوخۆیان هەبوو بەسەر كارەكانی حكوومەت و ژیانی هاونشتیمانیانی ئەم هەرێمە.
رۆڵی مەسڕور بارزانی و لێهاتووی ئەو كەسایەتییە زۆر بەڕوونی دیاربوو لەكارەكانیدا، هەر لەسەرتاوە ملی دایە بەر ئەو كێشانە تاكوو تووانی ئاسۆیێكی گەش بونیاد بنێت و كوردستان دووربخاتەوە لەو تەنگەژە و قەیرانە یەك لەدوایەكانەی كەبەرۆكی كوردستانیان گرتبوو، دوای تێپەڕاندنی گرفتەگەورەكان دەستی كرد بەچاكسازی نێوخۆیی كەهەموویان لەبەرژەوەندی تاكی كورد بوون، ئەگەر ئەو خاڵانەی لەو كابینیە كەبوونە گۆڕانكاری ڕیشەیی بخەینە ڕوو پێك دێن لەچەند خاڵێك:
یەكەم: خاڵێكی جەوهەری بوو ئەویش گرنگی دان بوو بەدابینكردنی ئاسایش و ئارامی بۆ هاووڵاتییان، دووەم: نەهێشتنی جیاوازی لەنێوان تاكەكان كەمافێكی شەرعی هەر هاووڵاتییەكە كاربكات و بیڕوڕای جیاوازی هەبێت، سێیەم: گێڕانەوەی متمانەیەكی گرنگ بۆ دامودەزگاكانی حكوومەت و كاركردنی فەرمانبەران و كاربەدەستان لەخزمەتی هاووڵاتییان، چوارەم: بڕینی مووچەو بودجە زیادەكان و بەتایبەتیش مووچەی نایاسایی و هتد.. پێنجەم: كاركردن لەسەر بەئەلكترۆنی كردنی دام و دەزگاكانی حكوومەت، ئەمەش بۆ شەفافیەت، لەلایەكی تر مانەوەی كەسانی شیاو لەشوێنە شیاوەكان كەبەشێكی زۆری كاربەدەستان بەئەركەكانی خۆیان هەڵنەدەستان كەمتەرخەم بوون لەئاست داواكاری و جێبەجێكردنی بڕیارەكان، شەشەم: گرنگی دان بەڕێگاو بان و دروستكردنی پڕۆژەی نوێ و پڕۆفیشناڵ كەجێگای دڵخۆشی هاووڵاتییان بوو، چونكە ساڵانە بەهۆی خراپی رێگاو بانەكان زۆری شوفێران و هاونشتیمانیان توشی ررودانی هاتووچۆ دەبوونەوە و دەبوونە قوربانی و ئاستەنگیان بۆ دروست دەبوو، حەوتەم: گرنگی دان بەگەنجان و لاوان ئاوانەی خاوەن پڕۆژەی تایبەت بەخۆیان بوونە، حكوومەت دەرگای بەڕووی ئەو لاوانە كردەوە بۆ نمایشكردنی پڕۆژەكانیان، هەشتەم: كەخاڵێكی جەوهەری بوو لەهەمویان گرنگتربوو ئەویش قەدەغەكردنی چەكی بێ مۆڵەت و مامەڵەكردنی پێوە، ئەمەش بووە هۆی ئەوەی كەتاوانەكان زۆر رروویان لەكەمی كردووە تادێت هاووڵاتییان خۆیان بەدوور دەگرن لەهەڵگرتنی ئەو چەكانەی كەمۆڵەتی یاسایان نییە، نۆیەم ئەو رێكەوتنە گرنگەبوو كەلەنێوان حكوومەتی هەرێم و حكوومەتی عێراق واژووی لەسەر كرا دەسكەوتێكی گرنگ و مێژووی بوو بۆ گەلی عێراق و هەرێمی كوردستان بەتایبەتی.
لەداهاتویێكی نزیك بەرهەمی ئەو ڕێكەوتنە دەبینین كەلەسەر نەوت ئەنجامدرا لەنێوان هەردوولا، ئەمانەو دەیان دەسكەوتی تر لەسەر دەستی مەسڕور بارزانی بەئەنجام گەیشتوون و بەشێكیان خاڵی كۆتایان تێپەڕاندووە و بەشێكی تریش لەخاڵی دەسپێك دان كەماوەییەكی كەمیان دەوێت بۆ تەواو بوون و جێبەجێكردنیان، ئەوەی دەمێنێتەوە باسی بكەین ئومێدی هاووڵاتییانە كەخۆیان پێویستە ئەو ڕاستیانە بزانن و بەدستخۆشیەكانیان بەردەوامی بدەن بەتیمی حكوومەت، تا زیاتر لە هەوڵەكانیان بەردەوامبن بۆ سەقامگیركردنی ژیانی تاك بەتاكی هاونشتیمانیان.
