پشتیوان كەریم – زاری كرمانجی:
بەراورد بە ساڵی رابردوو نرخی بەرمیلێك نەوتی سپی ماڵان دوو بەرابەر زیادیكردووە، ئەمەش هاووڵاتییانی نیگەرانكردووەو داواكارن هەرچی زووە حكومەتی هەرێمی كوردستان بۆ ئەمساڵ زووتر بەشە نەوتی سپی ماڵان دابەش بكات و فڕۆشیارێكی نەوتیش دەڵێ :” یەكەم جارە نرخی بەرمیلێك نەوتی سپی بەو شێوەیە بەرز بێتەوە”
مەغدید ئۆمەراوەی نەوت فرۆش لە بازاری ناوەندی سۆران ئاشكرای دەكات:” لە ئێستادا نرخی یەك بەرمیل نەوتی بێجی بە 285 هەزار دینار و نرخی یەك بەرمیل نەوتی بەغدا 280 هەزار دینارە، هاوكات نرخی یەك لیتر نەوتیش بە 1275 دینار دەفرۆشرێت لە بازاڕەكانی نەوت فڕۆشان”.
بە پێی پێشبینیەكانی ئۆمەراوەی بێت بەم نزیكانە نەوتی سپی ماڵان دابەش دەكرێت و ئەمەش هۆكارێك دەبێت بۆ دابەزینی نرخی نەوت، بە پێچەوانەوە ئەگەر نەوت دابەش نەكرێت، هەروەكو ئەو نەوت فڕۆشەی سۆران باسی دەكات نرخی یەك بەرمیل نەوتی سپی بگاتە سەرووی 300 هەزار دینار “.
