پشتیوان كەریم – زاری كرمانجی :
فرۆشیارێكی نەوت لە سەنتەری قەزای ناوەندی سۆران، بۆ زاری كرمانجی دەڵێت ” ئەمڕۆ پێنج شەممە، نرخی نەوتی سپی لە بازاڕی نەوت فرۆشاندا بە بەرورد بە هەفتەی رابردوو، ۆ هەر بەرمیلێك بڕی پێنج بۆ دە هەزار دینار رووی لە دابەزینكردووە .”
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بەسڕە دابەزیوە بۆ 155 هەزار دینار، نەوتی موسڵ بە 145 هەزار دینار دەفرۆشرێت لە بازاڕدا، هاوكات نرخی یەك لیتر نەوتیش بە 700 دینارە.”
ئاشکراشی کرد:” هۆكاری دابەزینی نرخی نەوت لە بازاڕدا بۆ کەمی خواست دەگەڕێتەوە، هەروەها رێکەوتنی حکوومەتی ناوەند و هەرێم، کاریگەر دەبێت و پێشبینی دابەزینی زیاتری سووتەمەنی دەکرێت .”
