كاوە میران
دەكرێ نازناوی خوێی چێشت بە كاك سەعدی ئەحمەد پیرە بدرێت، چونكە لە ناو سەركردایەتیی یەكێتی، ئەو پیاوە تاكە كەسێكە بە قسەخۆش و سەیرەكانی تام و بۆیەك بە سیاسەتە بێتام و بێسەروبەرەكەی حزبە شكستخواردووەكەی ببەخشێت! كاك سەعدی زۆر جار لە بیریدەچێت كە قسەكانی لەسەر حزبەكەی دەبنە ماڵ، بۆیە بەیناوبەین، نەك هەڵەی سیاسی، بەڵكو هەڵەی میژوویی و جوگرافیش دەكات.
ئەمجارەیان كاك سەعدی بە جۆرێ باسی داستانە مەزنەكەی كۆڕێ و تێكشكانی لەشكری عرووبەی بەعس دەكات، وەك ئەوەی بۆخۆیلەوێ، پەنا بەردێكی كردبێتە سەنگەر و لەگەڵ هەر دەستڕێژیكیدا دە پازدە سەربازی كەلەپاچە كردبێت!
ئێ، خۆ داستانی كۆڕێ هی سەردەمانی ئاجووج و ماجووج و ئەسكەندەری زولقەڕنەین نییە، تا خەڵكی نەزانن چۆن بووە و كێسەركردایەتیی كردووە و پێشمەرگەی كام لایەن بەشداریی كاریگەریان تێدا هەبووە؛ هەرچەند بەلای ئێمەوە، پێشمەرگەی كوردستان هەمووكوڕی ئەم خاك و ئاوەن و جیاوازییان نییە، بەڵام شێواندنی مێژوو و داڕشتنەوەی بە ئارەزوو، هی ئەوە نییە بێدەنگی لێ بكرێت.
گورانییەكەی فۆلكلۆریی كوردیی ناوچەی كرماشان هەیە دەڵێ:
دوو چەشم دیرید چیون دووربین ئەڵمان
لە قەسرە و خەیدەی ئەرا كرماشان!
جا چونكە كاك سەعدی باسی دووربینی كردووە، بۆیە ئێمەش ئەو گۆرانییەمان بۆ كرد بە پارسەنگ.. چونكە كاتێك داستانی كۆڕێ ڕوویدا،كاك سەعدی لە ڤییەننای پایتەختی نەمسا بوو و ئۆباڵی بە ئەستۆی كاك مەلا بەختیار، گوایە مانگانە، لە سەفارەتی عێراقی مانگانە هەزاروسەد دۆلاری وەرگرتووە..
كاك سەعدی، مەودای هەوایی نێوان ڤیەننا و كوردستان هەزار كیلۆمەتر زیاترە، مەگەر (ریفاق)ی سەفارەت دووربینێكی ئەڵمانییان بە دیاریپێت بەخشی بێت، ئەگینا چۆن دەزانی لە كۆڕێ چی ڕووی داوە؟!
یەكێك لەنەریتەكانی ئەم كا سەعدیە، ئەوەیە جاروبار بۆ ئەوەی لەبیری خەڵك نەچێتەوە، خۆی كۆمیدی دەكات و، جاروباریش قسەی گەورەترلەقەبارەی خۆی دەكات، زۆرجاری تریش تەنانەت بۆ حزبەكەی خۆیشی بووەتە بەڵاو مایەی ئیحراجی ! كەچی هێشتا هەر گوتویەتیتەڕتەڕنەباشی!. جاری واش هەیە وەكو تەلەفۆنی ئەنەلۆگ، قسە دەكات و پێی وایە لەگوێچكەی بیسەراندا ژمارەكەی دەرناچێت! بێ ئاگالەسەردەمەكە كە هەموو ڕاستییەكان تۆماركراون، قسەكانی ئەویش نە سەنگێكیان دەبێت و نە دەتوانن ڕاستییەكان بشارنەوە. زۆربەی زۆریئەوانەی كەلە ساتەوەختی هەڵگژانی پارتی بەڕووی داگیركەری عێراقیدا لەژیاندان، بینەری ئەو داستانەبوون و دواتریش بیرەوەرییەكانیانخوێندۆتەوە، تەنها كاسەعدی قسەی هەیە كە ئەو دەم بەهەزاران میل لەكوردستانەوە دووربووە! بۆچی هیچكام لە شۆڕشگێرەكانی مەیدان،كە ئەودەم لێرە لەكۆڕی خەباتدابوون، ئەو قسانەیان نەكرد كە ئەم كاسەعدیە دەیانكات!. كام شۆڕشگێڕ و پێشمەرگەی كوردستان دەتوانێتشاهیدی ئەوە بدات كە ئەم كاسەعدیە لە سەنگەرێكدا بینرابێت. لەبەر ئەوەی زۆر گوتن ناخۆشە!
لەكۆتایی ئەم چەند دێڕەدا دەڵێین: كاسەعدی كە لەخەیاڵدا دەژی و بێئاگایە لەوەی كە داستانی كۆڕێ بەو پەردەپۆشناكرێت و هەموو شتتۆمارە، جێگەی بەزەییە كە شاخ لەشاخی كۆڕێ دەدات! هەم شاخی دەشكێت و هەم مایەپووچ دەبێت و ناتوانێ مێژوو ئاوەژوو بكاتەوە.
