شەهلا ڕەشید- زاری كرمانجی :
دوای بڵاوبوونەوەی ڤایرۆسی كۆرۆنا له بهشێكي زۆرى وڵاتانى جيهان، جگە لە هاووڵاتیان بە هەزاران پزیشك و كارمەندانی تەندروستی گیانیان لە دەستدا، هەرێمی كوردستان یش بەدەر نەبوو لە بڵاوبوونەوەی ئەو ڤایرۆسە و هاونیشتمانییەكی زۆر بوونە قوڕبانی كە لە نێویاندا پزیشك و كارمەندانی تەندروستییش هەبوو، بۆیە حكومەتی هەرێمی كوردستان بڕیاری داوە بە خەرجكردنی بڕی 5 ملیۆن دینار بۆ ئەو پزیشك و كارمەندانی تەندروستی كە بە هۆی كۆرۆناوە گیانیان لە دەستداوە.
لەمبارەیەوە جەواد مەهدی، بەرپرسی سەنتەری نەخۆشییە گوازراوەكانی سۆران، بە زاری كرمانجی راگەیاند” حكومەتی هەرێمی كوردستان، بڕیاری خەرجكردنی 5 ملیۆن دیناری بۆ ئەو پزیشك و كارمەندانە دەركردووە كە بە هۆی كۆرۆناوە گیانیان لە دەست داوە”.
گووتیشی” ژمارەی ئەو پزیشك و كارمەندانەی كە لە هەرێمی كوردستان بە كۆرۆنا گیانیان لە دەست داوە 89 كەسن، بڕیارەكە خۆبەشەكانیش دەگرێتەوە”.
