پشتیوان كەریم – زاری كرمانجی :
ماوەی چەند رۆژێكە نرخی نەوت لە بازاڕەكانی ئیدارەی سۆران رووی لە دابەزینكردووە، فرۆشیارێكی نەوتیش لە سەنتەری قەزای ناوەندی سۆران لەم بارەییەوە بە زاری كرمانجی راگەیاند:” ئەمڕۆ شەممە، نرخی نەوتی سپی لە بازاڕەكانی نەوت فرۆشاندا بەبەرورد بە هەفتەی رابردوو رووی لە دابه‌زینی زیاتر كردووە .”
مەغدید ئۆمەراوەی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بەسڕە دابەزیوە بۆ 185هەزار دینار ویەك بەرمیل نەوتی موسڵ بۆ 180 هەزار دینار دەفرۆشرێرت لە بازاڕدا، هاوكات نرخی یەك لیتر نەوتیش بە 875 دینار دەفرۆشرێت.”
ئۆمەراوەی باس لە هۆكاری بەرزبونەوەی دەكات و دەڵێ:” هۆكاری دابەزینی نرخی نەوت لە بازاڕدا لەلایەک بۆ کەمی خواست هەروەها زۆر بوونی رێژەی هاتنی نەوتی سپییە لە عێراق، هەروەها چاوەڕوان دەکرێت دابەزینی زیاتر بەخۆیەوە ببینێ گۆڕانکاری لە نرخی نەوت دروست ببێت .”
