گەڕانەوەی پارتی بۆ كەركووك لە سوودی پێكهاتەكانە

جەبار عەبدوڵڵا مهاجر
دوای هاتنی تیرۆریستانی داعش و داگیركردنی شاری مووسڵ، هەوڵەكانی ئەو ڕێكخراوە بۆ داگیركردنی شاری كەركووك بوو، بێ متمانەی سیاسییەكانی عێراق و بێ دەسهەڵاتی حكوومەت و نەبوونی هێزێكی مەشق پێكراو ڕێگا خۆشكەر بوو چاڵاكی ئەو ڕێكخراوە تیرۆریستیە گەشەبكات و هەوڵی داگیركاری زیاتر بدەن، ئەوەبوو لەئەنجامدا دەستیانگرت بەسەر چەند ناوچەیەكی تر و تاڵان و وێرانكاریان ئەنجامدا سەرەڕای كوشتن و سەربڕینی هاووڵاتییانی سڤیل، لە كاتی جمووجۆڵی تیرۆریستانی داعش بۆ شاری كەركوك هێزە چەكدارەكانی سەر بە دەوڵەت ئەو شارەیان چۆڵ كردوو پشتیان تێكرد و ئارەزووی ئەویان هەبوو كەركووك ببێتە مووسڵی دووەم، بەڵام ئەو كارە سەری نەگرت و پارتی دیموكراتی كوردستان خۆی كردە خاوەنی شارەكە، ئەو بەرگریەی پارتی كردی لە كەركووك فیداكاریێكی تر بوو لە مێژووی خەباتی ئەو حیزبە تێكۆشەرە، سەرەڕای زۆری ئاستەنگەكان لەبەردەمیان بەڵام چۆكیان بۆ دوژمن دانەدا و تیرۆرستان نەیانتوانی بەخەونی خۆیان بگەن و شكستێكی مێژوویان تۆماركرد، ئەو شارە لە كۆمەڵێك پێكهاتەی جیاواز پێكدێت هەموو پێكهاتەكانیش ئاسوودەبوون بە هەبوونی پارتی لەو شارە، چونكە پارتی بەبێ جیاوازی پارێزگاری لە پێكهاتەكان دەكرد و نەیهێشت زیانیان پێ بگات، بۆماوەیێكی زۆر ئاشتی و ئارامی باڵی كێشا بەسەر ناوچەكەو هاووڵاتییان بەئاسودیی كارەكانی خۆیان ئەنجام دەدا ترسیان نەبوو لە هاتنی تیرۆرستانی داعش و چاڵاكیەكانی ئەو رێكخراوە بەرەو لاوازی ڕۆیشت و ئەو هێزەی هەیانبوو لەدەستیاندا، دواتر لەپلانێكی دوژمنكارانە لە۱٦ ئۆكتۆبەر ئەو شارە لەلایەن پارتێكی دیاریكراوی كوردستان تەسمیل بە حكوومەتی عێراق كرا، ئەو كارە لەدژی پلانە سەركەوتووەكانی پارتی ئەنجامدرا، ترسیان لەوە هەبوو پارتی دەسهەڵاتەكانی خۆی بسەپێنێت و جەماوەرێكی زۆر بەدەست بهێنێت و شكست بە پارتەكانی تر بهێنێت، دڵسۆزی و فیداكاری پارتی بۆ ئەوە بوو كەركووك نەبێتە مۆڵگەی دووەمی تیرۆریستانی داعش و مەترسی بكەوێتە سەر سنوورەكانی كوردستان، دوای ئەو ڕۆژە ڕەشەی كە خاكی كەركووكی فرۆشرا، پارتی ملی شۆڕنەكردوو چاڵاكیەكان و بارەگاكانی خۆی كشاندەوە و وەكو هەندێك لایەن ڕووی نەهات لەژێر سێبەری دوژمنان درێژە بەكاری سیاسی خۆی بدات، لەگەڵ كشانەوەی پارتی ئاسایش و ئارامی هاووڵاتییان كەوتە مەترسی و جموجۆڵی تیرۆریستان و گروپە توندڕەوەكان دەستیان پێكردەوە كە ڕۆژانە دەیان كاری تیرۆرستی و تاڵانی ئەنجام دەدەن، بەشێك لە دانیشتوان لەگەڵ ئەو پشێویانەی كە ڕۆژانە دەكران ئەو شارەیان جێدەهێشت بۆ سەلامەتی گیانی خۆیان ڕوویان دەكردە ئەو ناوچانەی كە ئاسایش و ئارامی بەرقڕاربوو، ئەوانەی ئەوكارەیان بەرامبەر بە كەركووك ئەنجامدا نەیانزانی ڕۆژێك دێت دەكەونە بەر ڕەخنەیێكی توندی هاونشتمانیان و سزایان دەدەن، ئێستا كەركووك لە هەموو كاتێك زیاتر پێویستی بەسیاسەتی پارتی دیموكراتی كوردستانە بۆ گەڕانەوەی متمانە بۆ دانیشتوان و كاسبكاران، لەڕۆژانی داهاتوو هاووڵاتییان خۆیان دەنگ لەسەر گەڕانەوەی پارتی دەدەن و دوژمنان شەرمەزار و ریِسوادەبن، ئەوكات ئەو شارە ڕوو لە گەشەكردنی ئابووری و پێكەوە ژیان دەكاتەوە، سیاسەتی راستەقینەی پارتی بەردەوام وابووە خۆی كردووە پارێزەری گشت پێكهاتەكان و بەرگری لێ كردوون، هەمیشە پابەندی دەستووربووە ڕێكارە یاسایەكانی وەك خۆی جێبەجێ كردووە هیچ كات دژی دەستوور و بنەماكانی دەوڵەت سیاسەتی نەكردووە، ئەمەش بۆتە هۆكاری سەركەوتنی ئەو پارتە لە كوردستان و عێراق و ناوچەكە”.