پشتیوان كەریم – زاری كرمانجی :
ماوەی چەند رۆژێكە نرخی نەوت لە بازاڕەكانی ئیدارەی سۆران رووی لە دابەزین كردووە، فرۆشیارێكی نەوتیش بە زاری كرمانجی راگەیاند:” ئەمڕۆ دووشەممە، نرخی نەوتی سپی لە بازاڕەكانی نەوت فرۆشاندا بەبەراورد بە هەفتەی رابردوو رووی لە دابەزینی زیاتر كردووە .”
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بەسڕە دابەزیوە بۆ 190 هەزار دینار، هەروەها بەرمیل نەوتی موسڵ بە 180 هەزار دینار دەفرۆشرێرت لە بازاڕدا، هاوكات نرخی یەك لیتر نەوتیش بە 875 دینارە.”
مەغدید ئۆمەراوەیی، دەشڵێت :” هۆكاری دابەزینی نرخی نەوت لە بازاڕدا بۆ کەمی خواستی هاووڵاتییان و نەمانی سەرما، هەروەها زۆر بوونی رێژەی هاتنی نەوتی سپیلە ناوەراِست و باشووری عێراق دەگەڕێتەوە، پێشبینیش دەکرێت دابەزینی زیاتر بەخۆیەوە ببینێت.”
